Qirghizlar namayish qilip, xitayning qirghizistandiki tesirini chekleshni telep qildi

Muxbirimiz erkin
2019-01-18
Share

17‏-Yanwar qirghizistan paytexti bishkek shehiride xitaygha qarshi namayish partlap, xitayning qirghizistandiki tesirini cheklesh telep qilin'ghan. Bu, qirghizistanda yéqinqi bir ay ichide xitaygha qarshi partlighan 2‏-qétimliq namayish bolup hésablinidu. 17‏-Yanwar küni texminen 300 dek qirghizistan puqrasi bishkek sheherdiki alatow meydanida toplinip, qirghizistan parlaménti we hökümitige xitayning tesir küchining qirghizistanda kéngiyishini chekleshni, jümlidin xitay puqralirini qirghizistan puqraliqigha qobul qilishni men'i qilish, ulargha qirghizistanda ishlesh ruxsiti bérishni cheklesh, xitay puqralirini qirghizistanda turghuzmasliq, qirghizlarning xitaylar bilen toy qilishini cheklesh, xitayning qerzi pulini qayturup bérish qatarliq teleplerni qoyghan. Bolupmu namayishchilar hökümetning xitaydin alghan zor miqdardiki qerz pulini qandaq ishletkenlikige chüshenche bérishini telep qilghan.

Qirghizistan hökümiti ilgiri xitaydin 400 milyon dollardek qerz élip özining bir éléktr istansisini qayta-qurghan. Lékin bu éléktr istansisi ötken yili örülüp chüshken idi. "Azadliq radiyosi" ning 18‏-yanwar xewer qilishiche, da'iriler tünügünki namayishta 20 kishini tutqun qilghan. Qirghizistan ichki ishlar ministirliqi bayanatchisi baqit séytof, tutqunlarning "Jama'et tertipini buzghan" dep eyiblinip, her birige 45 dollar jerimane qoyulghanliqini bildürgen. "Azadliq radiyosi" ning xewiride tekitlinishiche, namayishta bu kishiler xitayning Uyghur aptonom rayonidiki qirghizlarni yighiwélish lagérlirigha qamishigha naraziliq bildürgen iken. Qirghizistan prézidénti sorunbay jénbékof yéqinda "Qirghizistan-xitay shérikchilikige buzghunchiliq qilishqa urun'ghanlarning qanuni jawabkarliqqa tartilidighanliqi" ni tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet