Qirghizistan musteqil bolghandin kéyin 50 ming qirghiz öz wetinige qaytip kelgen

Muxbirimiz ümidwar
2016-06-27
Élxet
Pikir
Share
Print


1991 - Yili, sowét ittipaqining yimirilishi bilen ottura asiya jumhuriyetliri musteqilliq jakarlighandin kéyin, chet'ellerde yashawatqan mezkur jumhuriyetlerning igilik hoquqluq milletlirining öz musteqil dölitige qaytip yerlishishi bashlan'ghan idi. Metbu'at xewerliridin melum bolushiche, ottura asiyadiki zemin da'irisi bir qeder kichik hésablinidighan qirghizistan jumhuriyitige 25 yildin buyan chet ‘ellerde yashaydighan qirghizlardin 50 ming adem qaytip kélip makanlashqan, buning ichide 40 ming etrapida kishi qirghizistan puqraliqini qobul qilghan, qalghanliri peqet turush ruxsiti bilen yashimaqta iken.

Azadliq radi'osining xewer qilishiche, qirghizistan'gha qaytip kélip, makanlashqan chet'el qirghizliri ichide özbékistan qaytip kelgen eng köp iken. Yeni, özbékistandin 19ming 446 neper, uningdin kéyin qalsa tajikistandin 17 ming 736 neper étnik qirghiz qaytip kelgen.

Xewerdin melum bolushiche, Uyghur aptonom rayonida 200 minggha yéqin qirghiz yashawatqan bolsimu, emma ulardin qirghizistan'gha qaytip kélip qirghizistan puqraliqini alghanlar aran 29 neperni, rusiyedin qaytip kelgenler 30 neperni, türkiyedin qaytip kelgenler 1 neperni teshkil qilidiken.

Qirghizistan hökümitining sanliq melumati boyiche nöwette özbékistanda 350 ming, xitayda 200 ming, tajikistanda 83 ming, türkiyide 2 yérim ming, afghanistanda 20 ming étnik qirghiz yashawatqan bolup, ularning omumi sani 636 mingdin ashidiken, emma rusiyege kétip ishlewatqan we turiwatqan méhnet muhajirliri chet'el qirghizliri qatarigha kirgüzülmigen.

Toluq bet