Қирғизистан президенти рәқиблириниң қутратқулуқ қиливатқанлиқидин шикайәт қилди

Мухбиримиз әзиз
2016-03-24
Share

Ройтерс агентлиқиниң хәвиригә қариғанда, қирғизистан президенти алмасбек атамбайеф пәйшәнбә күни өзиниң сиясий рәқиблириниң қирғизистанда қәстән қутратқулуқ қилип мәмликәт вәзийитини малиманлаштурушқа урунуватқанлиқини ейтқан.

Хәвәрдә ейтилишичә, атамбайеф рәқиблириниң қирғизистан билән өзбекистан чеграсидики җалалабад районида әтәй сүркилиш пәйда қилип, һакимийәтни ағдуруветиш қәстидә болуватқанлиқини тилға алған.

Атамбайеф талаш-тартишта туруватқан чегра бөликидики өзбек әскәрлирини һәйдәп чиқиришни тәшәббус қиливатқанларниң һәрикитини «вәтәнпәрвәрлик» дейишкә болмайдиғанлиқини, әксичә буниң дөләт мәнпәәтигә зиянлиқ икәнликини тәкитлигән.

Дөләт бихәтәрлик идариси тәминлигән мәлуматларда бирнәччә сиясийонниң атамбайефни ағдуруветиш мәқситидики мәхпий һәрикәтләрдә болуватқанлиқи ейтилған болуп, булар атамбайефни наһайити биарам қилған. У һазирқи вәзийәтни «җиддий» шундақла «достанилик мәвҗут әмәс» дәп тәсвирлигән.

Асасий қанун бойичә атамбайефниң вәзипә өтәш муддити келәр йилиниң ахири тамам болидикән вә қайта вәзипә өтәшкә болмайдикән. Зорлуқ характеридики намайиш һәрикәтлири 2005-йили вә 2010-йили икки қетим қирғизистан президентлирини һакимийәттин ваз кечишкә мәҗбур қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт