Qirghizistan prézidénti reqiblirining qutratquluq qiliwatqanliqidin shikayet qildi

Muxbirimiz eziz
2016-03-24
Share

Roytérs agéntliqining xewirige qarighanda, qirghizistan prézidénti almasbék atambayéf peyshenbe küni özining siyasiy reqiblirining qirghizistanda qesten qutratquluq qilip memliket weziyitini malimanlashturushqa urunuwatqanliqini éytqan.

Xewerde éytilishiche, atambayéf reqiblirining qirghizistan bilen özbékistan chégrasidiki jalal'abad rayonida etey sürkilish peyda qilip, hakimiyetni aghduruwétish qestide boluwatqanliqini tilgha alghan.

Atambayéf talash-tartishta turuwatqan chégra bölikidiki özbék eskerlirini heydep chiqirishni teshebbus qiliwatqanlarning herikitini "Wetenperwerlik" déyishke bolmaydighanliqini, eksiche buning dölet menpe'etige ziyanliq ikenlikini tekitligen.

Dölet bixeterlik idarisi teminligen melumatlarda birnechche siyasiyonning atambayéfni aghduruwétish meqsitidiki mexpiy heriketlerde boluwatqanliqi éytilghan bolup, bular atambayéfni nahayiti bi'aram qilghan. U hazirqi weziyetni "Jiddiy" shundaqla "Dostanilik mewjut emes" dep teswirligen.

Asasiy qanun boyiche atambayéfning wezipe ötesh mudditi kéler yilining axiri tamam bolidiken we qayta wezipe öteshke bolmaydiken. Zorluq xaraktéridiki namayish heriketliri 2005-yili we 2010-yili ikki qétim qirghizistan prézidéntlirini hakimiyettin waz kéchishke mejbur qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet