قىرغىزىستاننىڭ پرېزىدېنتلىق سايلىمى ئەندىشە ئىچىدە يېقىنلاشماقتا

مۇخبىرىمىز ئەزىز
2017-10-03
Share

بىر قىسىم كۆزەتكۈچىلەر تەرىپىدىن «ئوتتۇرا ئاسىيادىكى ئەڭ دېموكراتىك دۆلەت» دەپ ئاتىلىپ كېلىۋاتقان قىرغىزىستاننىڭ پرېزىدېنتلىق سايلىمى يېقىنلاۋاتقاندا بۇ قېتىملىق سايلامنىڭ يەنە بىر مەيدان مالىمانچىلىققا سەۋەب بولۇش ئېھتىماللىقى كىشىلەرنى ئەندىشىگە سالماقتا ئىكەن.

«ئاسىيا خەۋەر قانىلى» نىڭ 3-ئۆكتەبىردىكى خەۋىرىدە ئېيتىلىشىچە، بۇ يىل 15-ئۆكتەبىر كۈنى ئۆتكۈزۈلىدىغان پرېزىدېنتلىق سايلىمى ئۈچۈن 12 كىشى ئۆزلىرىنى مەلۇم قىلغان. بۇلارنىڭ ئىچىدىكى بىردىن-بىر ئايال نامزات توختايىم ئۈمىد ئەلىيېۋا بۇ قېتىمقى سايلام ھەققىدە توختىلىپ «قىرغىزىستان تارىخىدا بىر پرېزىدېنتنىڭ يەنە بىر پرېزىدېنتقا ھوقۇقنى ئۆتكۈزۈپ بېرىشى ھېچقاچان تىنچلىق ئىچىدە تاماملانغان ئەمەس» دېگەن.

مەلۇم بولۇشىچە، قىرغىزىستان ئاساسىي قانۇنى بويىچە ھازىرقى پرېزىدېنت ئالمازبېك ئاتامبايېۋ قايتا سايلىنالمايدىكەن. سىياسىي جەھەتتە رۇسىيەنىڭ سىزغان سىزىقىدىن چىقالمايدىغان بۇ جۇمھۇرىيەت مەبلەغ ۋە ئىقتىسادىي ياردەم جەھەتتە خىتايغا موھتاج ئىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت