Béyjingdin 46 neper xitay oqutquchi "Qosh til oqutquchisi" namida xoten'ge ewetildi

Xitayning béyjing gézitining xewiridin melum bolushiche, 24 - awghust küni béyjing shehiridiki mekteplerdin tallap chiqilghan 46 neper oqutquchi xoten'ge bir yilliq "Qosh til oqutquchisi" wezipisini öteshke ewetilgen.

Xewerde déyilishiche, bu xitay oqutquchilar xoten nahiyisi, qariqash nahiyisi, lop nahiyisi we xitay ishlepchiqirish qurulush armiyisining xoten'ge jaylashqan 14 - déwiziyisidiki ottura, bashlan'ghuch mekteplerge teqsim qilin'ghan.

Xitay da'iriliri 2000 - yillarning otturiliridin bashlap, Uyghur rayonida "Qosh tilliq ma'arip" namida eslidiki Uyghur milliy ma'aripini xitaychilashturush siyasitini yolgha qoyghandin buyan, nurghunlighan Uyghur mektepliri xitayche mektepler bilen qopshuwétilip, Uyghurche siniplar qosh tilliq siniplargha özgertilgen. Uyghur ma'aripidiki tayanch küch bolghan Uyghur oqutquchiliri bolsa "Xitay tili sewiye émtihanida layaqetsiz" dégen bahanide shalliwétilgen. Ularning ornigha xitay ölkiliridin türküm - türküm xitay oqutquchiliri yötkep kélinip, Uyghur oqutquchilarning xizmet orunlirini igilishi, ata - anilarda balilirining ana til ma'aripidin ayriwétilishidek endishini peyda qilghan bolsa, Uyghur oqutquchilarning ish ornidin ayrilip qélish netijiside meydan'gha kelgen naraziliqini peyda qilghan idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar