“йеза қош тил йәсли” лириниң сани көпәйтилмәктә

Мухбиримиз ирадә
2017.08.31

Уйғур аптоном район даирилири уйғур елиниң җәнубидики йезиларда қош тил йәсли қурулушини тез сүрәт билән омумлаштуруш үчүн “селишқа тегишликини чоқум селиш”, “йәслигә киришкә тегишлики чоқум йәслигә кириш” дәп аталған бир нишан бойичә һәрикәт қилмақта.

Бүгүн хәлқ торида берилгән хәвәрдин қариғанда, бу нишанға асасән 9-айда 1 милйон 128 миң 900 миң нәпәр балиниң “қош тил” йәслилири дәп атиливатқан, әмма хитай тили асас қилинған йәслиләргә кириши ишқа ашурулидикән. Буниңдин сирт, уйғур ели даирилири бу йил бешида бәлгиләнгән җәнубтики йезиларда 4387 йеңи қош тил йәсли қуруп чиқиш пиланиниму әмәлдин ашуруп орундап, җәмий 4408 йәслини йеңи оқуш мәвсуми үчүн пүттүрүп болған.

Уйғур ели даирилириниң уйғур елиниң җәнубидики уйғурлар мәркәзлик олтурақлашқан 3 вилайәт, бир областни асас қилған һалда йеза қош тил йәслилирини бундақ күчәп омумлаштуруши уйғур көзәткүчиләрниң қаттиқ диққитини қозғиған иди. Улар, хитай тили вә мәдәнийитини өгитишни асас қиливатқан бу аталмиш қош тил йәслилириниң уйғурларни кичикидин тартипла ассимилятсийә қилишни мәқсәт қилғанлиқини илгири сүрүшмәктә.

Мәлум болушичә, уйғур район даирилири “13 бәш йиллиқ пилан” ға асасән йезилардики “қош тил йәсли” қурулушини йәнә давамлиқ елип баридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.