Da'iriler jenubiy Uyghur élida "Qosh tilliq" yesli ma'aripini kéngeytish üchün 3000 neper kadir ewetidighanliqini élan qilghan

Muxbirimiz qutlan
2016-10-15
Share


Igilinishiche, da'iriler 14 - öktebir küni ürümchide jiddiy yighin chaqirip, jenubiy Uyghur élida atalmish "Qosh tilliq" yesli ma'aripini yénimu kéngeytish üchün 3000 neper kadir ewetidighanliqini élan qilghan.

Tengritagh torining bu heqtiki xewirige qarighanda, Uyghur aptonom rayonluq partkomning da'imiy hey'iti, aptonom rayonning mu'awin re'isi erkin tuniyaz söz qilip, jenubtiki 3 wilayet bir oblastta "Qosh tilliq" yesli ma'aripini dawamliq türde kéngeytish üchün aptonom rayonda mexsus rehberlik guruppisi tesis qilin'ghanliqini jakarlighan.

Xewerde déyilishiche, ma'arip sépidin jenubqa ewetilidighan tunji türkümdiki 3 ming kadirning ichide aptonom rayonluq idare - organlardin 1200 neper kadir, jenubtiki 3 wilayet bir oblastqa qarashliq organlardin 1800 neper kadir tallap chiqilidiken.

Bu qétimliq ma'arip sahesi boyiche jenubqa kadir ewetish ishi da'irilerning 2014 - yilining may ayliridin bashlap atalmish "Muqimliq xizmiti" boyiche 200 ming kadirni asasiy qatlamgha ewetish dolqunidin kéyinki yene bir qétimliq zor heriket hésablinidiken.

Xitay hökümitining Uyghur élida yürgüziwatqan atalmish "Qosh tilliq ma'arip" istératégiyesi nöwette yoqiri pellige kötürülgen bolup, közetküchiler, bundin kéyinki milliy ma'aripni xitaylashturush nishanining merkezlik halda yesli ma'aripigha qaritilidighanliqini texmin qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet