Da'iriler Uyghur élidiki yézilarda "Qosh tilliq yesli ma'aripi" ni yenimu kéngeytidighanliqini bildürgen

Öz muxbirimiz qutlan
2016-11-28
Share

27-Noyabir küni Uyghur aptonom rayonluq da'iriler ma'arip sahesidiki emeldarlarni ürümchige toplap, yézilarda 3 yilliq "Heqsiz qosh tilliq yesli ma'aripi" ni yolgha qoyush seperwerlik xizmet yighini achqan.

Uyghur aptonom rayonining yoqiri derijilik emeldarliri qatashqan bu yighinda, rayonning ijtima'iy muqimliqi we uzaq muddetlik eminlikini ishqa ashurush üchün yézilarda 3 yilliq "Heqsiz qosh tilliq yesli ma'aripi" ni yolgha qoyushning kéchiktürgili bolmaydighan eng halqiliq siyasiy tedbir ikenliki körsitilgen.

Shinxu'a torining bu heqtiki xewiride asasiy qatlam kadirlirining bu mesilini "Eng zor siyasiy wezipe, eng qattiq mes'uliyet we eng qattiq pozitsiye" dep tonushi lazimliqi eskertilgen.

Aldinqi küni xelq tori mexsus xewer bérip, qeshqer wilayetlik intizam tekshürüsh komitétining wilayet tewesidiki 11 nahiye we sheherdin 37 neper yerlik asasiy qatlam kadirni jawabkarliqqa tartqanliqini bildürgen idi. Xewerde déyilishiche, jawabkarliqi sürüshte qilinip jazalan'ghan 37 neper yerlik kadir "13-Beshyilliq pilan" mezgilide qeshqer wilayitide qurulmaqchi bolghan "Qosh tilliq yesli" qurulushigha aktip pozitsiye bildürmigen kadirlar iken.

Közetküchiler, da'irilerning nöwette Uyghur yézilirida "Qosh tilliq yesli ma'aripi" ni omumlashturush üchün qattiq küchewatqanliqini, buni Uyghur élining muqimliqi we eminlikini saqlap turushtiki siyasiy istratégiyesining bir qismi süpitide qarawatqanliqini ilgiri sürmekte.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet