Qumul shehiridiki 800 dek meschitning mutleq köp qismi chéqip tashlan'ghan

Muxbirimiz erkin
2018-08-31
Share

Uyghur ilining qomul shehiridiki 800 din artuq meschitning mutleq köp qismining chéqip tashlinip, aran 80 dek meschit saqlap qélin'ghanliqi bildürüldi. Italiyediki "Kishilik hoquq we dini erkinlikni qoghdash" namliq teshkilatning yerlik uchur menbelirige asasen xewiride ilgiri sürülüshiche, xitay da'iriliri ötken yildin hazirghiche qumul shehiridiki 800 din artuq meschitning mutleq köp qismini chéqip tashlap, ulardin peqet 80 dek meschitni saqlap qalghan. Xewerde yene, saqlap qélin'ghan meschitlerning qubbisi we uning hilal ay belgilirining chéqip tashlan'ghanliqi bildürülgen.

Bu yil bashlirida "Zimistan" namliq bir dini erkinlik tor békiti xitay kompartiyisi merkizi komitét ishxanisining "Yéngi weziyet astidiki islam dini xizmitini kücheytish we özgertish toghrisidiki pikir" namliq bir mexpiy höjjitini ashkarilighan. Höjjette, meschit sélishni yaki kéngeytip qurushni birdek cheklesh, meschitlerni qisqartish telep qilin'ghan. Shuningdin kéyin Uyghur aptonom rayonida "Meschitlerni ixchamlash dolquni qozghilip, nurghun meschitler chéqilghan. Yéqinda aqsuning toqsu nahiyisi yultuzbagh baziridiki 20 dek meschitning 11 ning chéqip tashlan'ghanliqi melum bolghan idi. "Kishilik hoquq we dini erkinlik" teshkilatining ashkarilishiche, da'irilerning yene meschit chéqish herikiti Uyghur rayonidiki tungganlar olturushluq yéza kentlerge kéngeytken. Mezkur teshkilatning yéqinda bergen xewiride, sawen nahiyisining shüymogo kentidiki bir meschit chéqip tashlan'ghan. Mezkur meschit bu kenttiki birdin-bir ibadet orni bolup, xewerde bu kenttiki musulmanlarning meschitsiz qalghanliqini bildürgen. Xewer bayan qilinishiche, da'iriler bu meschitni chéqishta hökümetning héchqandaq bir yazma höjjitini körsetmigen shundaqla yerlik ahalilerge aldinala uqturushmu qilmighan. Xewerde. Saqchilarning bir küni tuyuqsiz kélip, meschitni pütünley chiqip tashlighanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet