Da'iriler ürümchide qush zukimi tarqalghanliqi heqqidiki xewerni inkar qildi

Ürümchi sehiye idarisi 18-aprél hökümet tor békitide uqturush chiqirip, ürümchide H7N9 tipliq qush zukimi tarqalghanliqini inkar qildi.

“Uyghurbiz” torining xewiridin melum bolushiche, 16-aprél ürümchide H7N9 tipliq qush zukimi bilen yuqumlan'ghan bir késel bayqalghanliqi heqqide xewer tarqalghan. Bu xewer ürümchi ahalisi arisida wehime peyda qilghan.

“Uyghurbiz” tori xewiride, da'irilerning xelq arisidiki wehime keypiyatini peseytish üchün ürümchide qush zukimi wirusi tarqalghanliqini inkar qiliwatqanliqini ilgiri sürüldi.

Ötken ayda xitayning jéjyang, shangxey qatarliq jaylirida H7N9 tipliq qush zukimi wirusi tarqalghandin kéyin, xitayning bashqa ölke, sheherliridimu bu késel bilen yuqumlan'ghanlar bayqilishqa bashlighan.

Xitayning shinxu'a agéntliqi 18-apréldiki xewiride, 18-aprél sehergiche xitayda H7N9 tipliq qush zukimi bilen yuqumlan'ghanlarning 87 ge yetkenliki, 17 kishining dawalash ünüm bermey ölgenlikini xewer qilghan idi.