Рабийә қадир ханим “һөр һинди-тинч окян бирлики” тәшкилатиниң рәисликигә сайланған

Мухбиримиз ирадә
2018.10.25
Share on WhatsApp
Share on WhatsApp

25-Өктәбир күни японийә парламентида “һөр һинди-тинч окян бирлики” дәйдиған бир тәшкилат қурулған. Мәзкур тәшкилатниң тунҗи рәисликини дуня уйғур қурултийиниң сабиқ рәиси рабийә қадир ханим өз үстигә алған.

Радиомизниң японийәдин игилишичә, юқириқи бу тәшкилат уйғур, тибәт, җәнуби моңғулийә, тәйвән, хоңкоң, японийә, һиндистан вә вийетнам қатарлиқ 8 дөләт вә райондин кәлгән вәкилләрниң бир ариға келиши билән қурулған икән. Йиғинда рабийә қадир ханим “һөр һинди-тинч окян бирлики” ниң рәисликигә сайланған. японийәлик һиттоши ишии, тибәтлик таши сериң әпәндиләр мәзкур тәшкилатниң муавин рәисликкә сайланған икән.

Рабийә қадир ханим йеқинда дуня уйғур қурултийиниң алий рәһбирилик вәзиписидин истепа бәргәнликини елан қилған иди.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.