Enwer toxti teywende Uyghurlar diyaridiki rak késelliki we organ sodisi heqqide doklat berdi

Muxbirimiz eziz
2017-10-31
Share

Nöwette en'gliyede muhajirette yashawatqan sabiq Uyghur doxtur enwer toxti teklipke bina'en teywende ziyarette bolup, xitay kompartiyesining Uyghurlar diyarida nechche on yillap dawamlashturghan atom siniqi we adem organlirini sétish qilmishining ichki ehwalini ashkarilidi.

Radi'omiz xitayche bölümining ziyaritidin melum bolushiche, enwer toxti léksiye jeryanida Uyghurlar diyaridiki ayrodromlarning biride tesis qilin'ghan "Adem organlirini yötkesh téz yoli" heqqidiki resimlik taxtayni körsitip turup, xelq'arani Uyghurlar diyaridiki insan heqliri depsendichilikige köngül bölüshke chaqirghan.

U yene ötken esirde Uyghurlar diyarida nechche on yillap dawamlashqan yadro siniqining nöwette Uyghurlar arisida rak késelliklirining shiddet bilen köpiyip kétishidiki eng muhim seweblerning biri ikenlikini otturigha qoyghan.

Enwer toxti léksiye jeryanida teywendiki her sahe kishilirining Uyghurlar diyari heqqide bekmu yüzeki chüshenchige ige ikenlikini, ulargha tonushluq bolghan "Uyghurlar-naxsha ussul milliti" dégen omumiy teswirning nöwettiki Uyghurlar diyarining jiddiy siyasiy weziyitini héchqanche eks ettürüp bérelmeydighanliqini bildürgen. Shuningdek xitay kompartiyesining hazir Uyghurlar diyarini exlet meydani, tejribe meydani, organ köchürüshni sinaq qilish tejribixanisi qatarliq sorun qiliwalghanliqi heqqide melumat bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet