Xitay da'irilirining ramzan mezgilidiki ammiwi pa'aliyetlerge cheklime qoyushi naraziliq qozghidi

Muxbirimiz méhriban
2013-07-23
Share

Ramzan kirgendin buyan Uyghur élide, da'irilerning Uyghurlarning ramzan mezgilidiki ammiwi pa'aliyetlirige qaratqan cheklime we uqturushlirining köpiyishi Uyghurlarning naraziliqini qozghimaqta.

Yéqinda tor béketliride qizil köwrük ijtima'iy rayon ahaliler komitéti namidin tarqitilghan bir uqturushning foto resimi yollan'ghandi. 11-Iyul tarqitilghan bu uqturushta shu ahaliler rayonidiki puqralardin ramzan mezgilidiki iptar chay, méyit namizi, nezir qatarliq ammiwi pa'aliyetlerni ötküzüshtin ilgiri, aldi bilen ahaliler rayonigha kélip tizimlitish, munasiwetlik orunlarning testiqini alghandin kéyinla andin qanun yol qoyghan da'iride bu xil pa'aliyetlerni ötküzüsh telep qilin'ghan. Uqturushta yene ahaliler komitéti qatarliq jaylarning testiqini almay turup öz aldigha pa'aliyet ötküzgenlerning qanuniy jawabkarliqi sürüshtürülidighanliqi alahide eskertilgen.

Bu uqturush tor béketliride köchürüp tarqitilghandin kéyin, Uyghurlarning naraziliq inkasliri köpeydi. Uyghurbiz torining 22-iyuldiki xewiride, merkizi milletler uniwérsitétining jem'iyetshunasliq kespining dotsénti abdurishit qarluqning "Bu qarashlar kompartiyining idiyisige wekillik qilamdu? gétlérmu yehudilargha bundaq mu'amile qilmighan idi." dégen sözi we ürümchi öztürk shirkitining mu'awin diréktori tahir iminning "Kolléktip pa'aliyetlerge cheklime qoyuluwatidu. Undaqta bundin kéyin hajetxanigha barsaqmu roxiset élishimiz kérekken. Bolmisa qanunsiz yighilish pa'aliyiti ötküzdünglar dep jazalinishimiz mumkin" dégen sözliri neqil élindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet