Д у қ рамизан мәзгилидики диний зиянкәшлик һәққидә баянат елан қилди

Мухбиримиз әзиз
2019-05-07
Елхәт
Пикир
Share
Принт

Пүтүн дуня мусулманлири рамизанлиқ паалийәтләр билән алдираш болуватқанда уйғурларниң өз вәтинидә рамизанлиқ һечқандақ паалийәт билән мәшғул болалмаслиқи һәмдә қатму-қат диний зиянкәшликкә учраватқанлиқи д у қ 7-май күни елан қилған баянатта йәнә бир қетим алаһидә тәкитләнди.

Баянатта уйғурлар өткән йиллардин буян дуч келиватқан диний либасларниң мәни қилиниши, диний буюмларниң чәклиниши, диний паалийәтләрниң җинайәткә сундурулуши, диний әслиһәләрниң вәйран қилиниши қатарлиқ бир қатар бузғунчилиқ һәрикәтлири санап өтүлиду. Шундақла хитай һөкүмитиниң диний муәссәсиләрни хитай компартийәси үчүн зор тәһдит, дәп қарап кәлгәнлики, шу сәвәбтин уйғурларниң барлиқ диний паалийәтлирини чәкләватқанлиқи көрситилиду.

Баянатта йәнә хитай һөкүмитиниң диний чәклимилирини «уйғур миллитини пүтүнләй ассимилятсийә қиливетиштәк зор пиланниң бир қисми, халас» дәп көрситиш арқилиқ, һазир лагерларға қамашта диний етиқадни өлчәм қилишниң юқири пәллигә чиқиватқанлиқи, хитай һөкүмитиниң ислам динини «роһий кесәллик» дәп аташ арқилиқ уни пүтүнләй «сүпүрүп ташлаш» қа атланғанлиқини, бу һалниң бу йилқи рамизан мәзгилидә техиму әвҗигә чиққанлиқи тәкитлиниду.

Д у қ ниң рәиси долқун әйса бу һәқтә тохтилип: «хитай дуняға өзлириниң диний етиқадқа һөрмәт қилидиғанлиқи һәққидә вәз ейтип келиватиду. Әмма уйғурларни бу җәһәттики барлиқ һәқләрдин мәһрум қалдуруватиду» дәйду.

Пикирләр (0)
Share
Толуқ бәт