Xitay emeldari ju xeylün ramizan mezgilidiki muqimliq yighinini xotende achti

Muxbirimiz méhriban
2017-05-30
Share

29-May yeni dunya musulmanliri ramizanni bashlap 3-küni Uyghur aptonom rayonluq partkomning mu'awin bashliqi ju xeylünning Uyghur rayonining muqimliqini qoghdash seperwerlik yighinini xotende échishi chet'ellerdiki Uyghur teshkilatliri we pa'aliyetchilirining jiddiy diqqitini qozghidi.

Xitay taratquliridin xelq gézitining 30-maydiki xewiride yene, ju xeylün xotende muqimliqni qoghdash seperwerlik yighini achqan mezgilde ürümchi, qeshqer qatarliq jaylardimu qesemyad bérish yighini ötküzüsh, hökümet kadirliri ipade bildürüsh herikiti kücheytilgenliki tilgha élindi. Xewerde déyilishiche, ju xeylün "Xoten, qeshqer qatarliq jenubiy Uyghur rayonining muqimliqini qoghdash pütkül Uyghur diyarining muqimliqi we "Bir belwagh, bir yol" qurulushining kapaliti ikenlikini tekitlep, bu jaylarda atalmish "Bölgünchi küchler" ge téximu qattiq zerbe bérish we bu heriketni "Omumiy xelq urushigha aylandurush" ni telep qilghan.

Chet'ellerdiki Uyghur pa'aliyetchiliridin amérika Uyghur birlikining re'isi élshat hesen ependining qarishiche, "Ju xeylünning muqimliqni qoghdash seperwerlik yighinini Uyghurlar nopusi zich, emma xitayda eng namrat rayonlarning biri dep tonulghan xotende échishi, mezkur rayonda Uyghurlarning yillardin buyan dawamlishiwatqan qarshiliq heriketlirining köp hem shiddetlik bolushi, her xil yollar arqiliq gherb démokratik döletlirige we ottura sherq döletlirige bérip panahliq tilewatqan Uyghurlarning köp bolushi qatarliq türlük amillar seweb bolghan bolushi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet