Рәйһан әсәт: "йел университети чоқум уйғурларниң әркинлики үчүн күрәш қилиши керәк"

Мухбиримиз ирадә
2021-09-30
Share

Америкадики уйғур адовкат рәйһан әсәт америкадики даңлиқ университетларниң бири болған йел унверситетини уйғурларниң әркинлики үчүн көрәш қилишқа чақирди.

Рәйһан әсәт нөвәттә йел унверситети җексон дунявий ишлар тәтқиқат орнида хизмәт қиливатқан болуп, у 29-сентәбир мәзкур университетниң күндилик хәвәрләр торида "йел чоқум уйғурларниң әркинлики үчүн күрәш қилиши керәк" мавзулуқ мақалә елан қилған. У мақалисдә өз иниси әкбәр әсәтниң бешиға кәлгән күлпәтләр арқилиқ пүткүл уйғур миллити учраватқан ирқий қирғинчилиқни тонуштурған. У истиқбаллиқ яшлар йиғилған йел университетини вә шундақла университиет уқуғучилирини уйғурлар үчүн һәрикәт қилишқа чақирған.

У мундақ дегән: "йел университетида американиң бәш нәпәр президенти. Шундақла тәсири зор сан-санақсиз аммиви тәшкилатлар, ахбарат органлири вә ширкәтләрниң рәһбәрлири йетишип чиққан. Бу йәрдә бизгә һәқиқәт издәш, инсанийәтниң яхшилиқ вә есил хисләтлирини өгиниш һәмдә дуняни шәкилләндүрүш пурсити бирилгән. . . Биз бу имтиязлардин пайдилинип, авазсизларға вә езилгәнләргә ярдәм беришимиз керәк, бу хитайниң йирақ ғәрбий чегралириға җайлашқан уйғурларниму өз ичигә алиду."

Рәйһан әсәт йәнә йел университиетида хитайдики сиясий сәрхилларниңму балилири оқуйдиғанлиқини, бу иниверситетниң хитайдики университетлар биләнму қоюқ мунасивити барлиқини әскәртип: "йел университети мана бу реаллиқни уйғур ирқий қирғинчилиқиға қарши туруштики пурсәткә айландуруши керәк," дегән. У йел университетидин ирқий қирғинчилиққа четишлиқ хитай әмәлдарлириниң оқуш мукапат пули вә ианилирини қобул қилишни рәт қилишни, хитай һөкүмитидин лагерда азаблиниватқан иниси әкбәр вә башқа бигунаһ уйғурларни қоюп беришни тәләп қилишни, уйғурларға йүргүзүливатқан бастурушқа йел университетиниң һечқандақ бир тармиқи яки һечқандақ бир тәтқиқатчисиниң қатнашмаслиқини тәләп қилған.

У йәнә мундақ дегән: "йел истудентлири университетниң бу ирқий қирғинчилиққа маслишиватқан орунлардин йирақлишишини тәләп қилиши керәк. Биз уйғурларниң әркинликини қоллап университет миқясида йүрүш қилишимиз керәк. Чүнки бу хил иттипақлиқ хитайға йел университети җамаитиниң ирқий қирғинчилиққа қарап турмайдиғанлиқи тоғрисида күчлүк сигнал бериду."

Рәйһан әсәт ахирида йел университети җамамитигә хитаб қилип: "биз хитайниң инсан қелипидин чиққан вә ирқчилиқ лагерлирини давамлаштурушиға йол қоймаслиқимиз керәк. Һәмимиз бирликтә ирқчилиққа, айримчилиққа, вәһшийликкә вә ирқий қирғинчилиққа қарши турайли. Уйғур әркинлики үчүн көрәш қилайли," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт