Хитай вә русийә роһеңга мусулманлириниң мәсилисидә тәнқидкә учриди

Мухбиримиз ирадә
2017-12-28
Share

Хитай вә русийәниң берма армийисиниң роһеңга мусулманлириға қаратқан бастурушини тохтитиш үчүн елинмақчи болған бәзи қарарларни қоллимаслиқи тәнқидкә учриған. Ройтерсниң хәвәр қилишичә, бирләшкән дөләтләр тәшкилатидики мустәқил көзәткүчиләр хитай вә русийәни бирма армийисиниң роһеңга мусулманлириға қаратқан бастурушини тохтитишқа мунасивәтлик б д т қарарлирини қоллимиғанлиқини тәнқидлигән. Б д т алаһидә доклатчиси яңхели сөзидә "хәлқара җамаәт бу икки дөләткә давамлиқ бесим ишлитип, уларни кишилик һоқуқни яқилашқа көндүрүши керәк" дегән.

Хитай вә русийә һәр иккилиси берма армийисиниң роһеңга мусулманлирини бастуруп, нәтиҗидә 600 миңдин ошуқ роһингалиқларниң өй-җай маканидин айрилишиға сәвәбчи болмиғанлиқини тәнқид қилмиған иди. Әмма америка, явропа иттипақи, дуня ислам һәмкарлиқи тәшкилати қатарлиқлар һәммиси берма һөкүмитини тәнқид қилған. 

Әмма хитай ташқи ишлар баянатчиси хуа чүнйиң бүгүнки сөзидә, юқиридики б д т алаһидә доклатчисиға җаваб қайтуруп: "ташқи күчләрниң кишилик һоқуқ мәсилисидә бесим ишлитиши мәсилини һәл қилмайду, мәсилини техиму мурәккәпләштүрүветиду" дегән. Шундақла у мәсилини берминиң өзи һәл қилиши керәкликини әскәрткән. 

Берма армийиси роһеңга йезилирида от қоюш, адәм өлтүрүш, басқунчилиқ қилиш билән әйибләнмәктә. Б д т вә шундақла америка бермини "етник қирғинчилиқ" дәп баһалиған. Әмма хәвпсизлик кеңишидики даимий 5 әзаниң иккиси болған хитай вә русийәниң бу мәсилидики позитсийиси берма һөкүмитиниң хәлқара сотта "инсанлиққа қарши җинайәт" билән әйиблинишигә тосқунлуқ қилмақта. 

Бирма һөкүмити болса хәлқараниң әйиблишини рәт қилиш билән бирликтә, берма ахбаратлириниму қаттиқ бастурмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт