Роза һейтта ниңшялиқ туңганлар бәш күн, уйғурлар бир күн қоюп берилиду

Мухбиримиз әркин
2013-08-02
Share

Роза һейтта, ниңшялиқ туңганларниң 5 күн, уйғур елидә мусулманларниң бир күн қоюп берилиши муназирә қозғиған.

Уйғур аптоном районлуқ хәлқ һөкүмити йеқинда уқтуруш чиқирип, 8‏-авғуст роза һейт мунасивити билән мусулманларниң бир күн қоюп берилишини тәләп қилған. Лекин охшаш бир мәзгилдә, ниңшя туңган аптоном райони мусулманларни роза һейтлиқ 5 күн қоюп бериш һәққидә уқтуруш чүшүргән. Ниңшяда мусулманлар 7‏-авғуст қоюп берилип, 12-авғуст хизмәткә чүшидикән.

Бир дөләтниң һакимийити астидики икки районниң мусулманларға чиқарған икки хил бәлгилимиси торда муназирә қозғап тәнқидкә учриди. Бәзи тордашлар бу икки хил бәлгилимини "бир дөләттики икки хил түзүм" дәп тәриплигән.

Чәтәлдики уйғур тәшкилатлири вә хәлқара кишилик һоқуқ органлириниң илгири сүрүшичә, хитай һөкүмити икки хил өлчәм қоллинип, туңганларға диний кәңчилик, уйғурларниң диний әркинликини бастуруш сиясити йүргүзүп кәлгән.

Хитай һөкүмити 1980‏-йилдин бурун, уйғур аптоном районида уйғурларни роза һейтлиқ 3 күн, хитайларни бир күн қоюп берәтти. 80‏-Йилларниң башлиридин етибарән, уйғурлани қурбан һейтта 3 күн, роза һейтта бир күн қоюп беришни йолға қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт