Русийә истихбарат органлири ислам дөлитиниң орта асияға һуҗум қилиши мумкинликни билдүргән.

Мухбиримиз җүмә
2015-10-31
Share


Бирләшмә агентлиқида көрситишичә, русийә федератсийә хәвпсизлик идариси башлиқи александер бортниковниң юқириқи сөзлири 28 - өктәбир русийә ахбаратлирида хәвәр қилинған.

Униң ейтишичә, афғанистанниң шималий чеграсиға җайлашқан талибанниң бир қисим җәңгәрлири ислам дөлитигә бәйәт қилған.

Афғанистан шимал тәрәптә өзбекистан, таҗикистан вә түркмәнистан билән биваситә чегрилиниду.

Афғанистанниң тинчисиз райони һесаблинидиған мазари шәриф шәһәридин өзбекистанниң тәрмиз шәһиригә машина билән 1 саәт 30 минутта йетип барғили болидикән.

Әркин явропа радиоисниң 24 - сентәбирдики хәвиригә қариғанда, сүрийәдики әл нусра тәшкилати өзбек, таҗик вә чечәнләрдин тәркиб тапқан 1500 җиһадчиниң өзлиригә қошулғанлиқини билдүргән.

Йеқинда русийә президенти путин афғанистан вәзийитини"интайин җиддий" дәп көрсәткән вә орта асия әллири рәһбәрлирини афғанистандин келидиған тәһдитләргә бирликтә тақабил турушқа чирқириған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт