Moskwa qatarliq sheherlerde keng kölemde namayish ötküzüldi
2013.04.07
Shenbe küni rusiye paytexti moskwa shehiride keng kölemlik démokratik we hoquq qoghdash mezmun qilin'ghan namayish yüz berdi. Rusiyidiki hoquq qoghdash we kishilik hoquq teshkilatliri 6 - april künini siyasiy jinayetchilerni qoyup bérish üchün ortaq heriket qilish küni qilip békitken. Siyasiy jinayetchilerni qoyup bérishni telep qilidighan namayish herikiti moskwadin bashqa yene sankitpétérburg we bashqa sheherlerdimu élip bérilghan.
Rusiye agéntliqlirining xewer qilishiche shenbe küni moskwada ötküzülgen namayishqa 2 mingdin artuq adem qatnashqanliqi éytilmaqta. Namayishchilarning xéli köp qisimini adwokatlar, türmide yétiwatqan siyasiy jinayetchilerning dostliri, urugh - tughqanliri we qollighuchiliri teshkil qilghan. Ular wladimir putin hökümitini tinch namayish ötküzgen we kishilik hoquq pa'aliyetliri bilen shughullan'ghan kishilerni tutqun qilmasliqqa, türmidikilerni qoyup bérishke chaqirghan.
Ötken yili, 6 - april küni moskwada keng kölemlik namayish yüz bergende saqchilar bilen toqunush kélip chiqip 4 yüzdin artuq adem qolgha élin'ghan idi. Ularning xéli köpi hazirghiche türmide yatmaqta iken.
Intérfakis agéntliqining xewer qilishiche, yekshenbe küni moskwada öktichilerning “ Ittipaqliq” herikitining qurultiyi échilghan bolup, “Ittipaqliq” ning rehberliridin biri, dangliq shaxmatchi garri kasparow rehberlik wezipisidin istipa bergen.
Köp körülgen xewerler
RFA
- Uyghur mejburiy emgek mesilisi jenwede bashlan'ghan b d t “Soda we kishilik hoquq munbiri” ning muhim témisi boldi
- “Xitay mustemlikichiliki we Uyghur rayoni” témisidiki yighinda otturigha qoyulghan pikirler
- Piragada chaqirilghan “Xitay mustemlikichiliki we Uyghur rayoni” témisidiki xelq'araliq yighin muweppeqiyetlik dawamlashti
- Jenwediki b d t yighinida xitay wekilliri yighin meydanini tashlap chiqip ketken
- Ayyüje türkesh tash xanim: “Türkiyening ürümchide konsulxana échishi shert”