Қазақ парламент әзалири русийә думаси йеқинда тилға алған "қазақистандики русийә територийәси" дегән ибаригә рәддийә бәргән

Мухбиримиз қутлан
2017-02-12
Share


Йеқинда қазақистан парламенти ташқий ишлар комитетиниң рәиси мәвлан һашимбайеф русийә думасиниң муавин башлиқи павел шиперофниң "територийә мәсилиси" һәққидики баянлириға қаттиқ рәддийә бәргән.

Баш шитаби прагадики "азадлиқ радийоси" қазақчә аңлитишиниң бу һәқтә тарқатқан хәвиригә қариғанда, русийә думасиниң муавин башлиқи шипероф 26-январ күни мундақ дегән: "һазирқи қазақ-рус чегра сизиқи мәңгүлүк әмәс. Һазир қазақистан вақтинчә тутуп туриватқан русийә територийәсини биз узунға қалмай қайтуруп алимиз."

Қазақистан ташқий ишлар министерлиқи бу һәқтә дәрһал инкас қайтуруп, өзлириниң бу мәсилидики әндишисини билдүргән. Мәвлан һашимбайеф, павел шиперофниң бу сөзлирини "қобул қилғили болмайду", дегән.

Мәлумки, русийәдики бир қисим һөкүмәт әмәлдарлири билән нобел тинчлиқ мукапатиниң саһиби солженитсинни өз ичигә алған нопузлуқ шәхсләр оттуриға чиқип, қазақ-рус чеграсини қайта сизишни тәшәббус қилған.

Москваниң 2014-йили зорлуқ күч ишлитип қирим йерим арилини өзигә қошивелиши, украинадики рус аһалилирини қутритип бөлгүнчилик елип бериши нөвәттә русийә билән чегралинидиған шималий територийәсидә хели көп рус аһалилири болған қазақистанни әндишигә салмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт