Qazaq parlamént ezaliri rusiye dumasi yéqinda tilgha alghan "Qazaqistandiki rusiye téritoriyesi" dégen ibarige reddiye bergen

Muxbirimiz qutlan
2017-02-12
Share


Yéqinda qazaqistan parlaménti tashqiy ishlar komitétining re'isi mewlan hashimbayéf rusiye dumasining mu'awin bashliqi pawél shipérofning "Téritoriye mesilisi" heqqidiki bayanlirigha qattiq reddiye bergen.

Bash shitabi pragadiki "Azadliq radiyosi" qazaqche anglitishining bu heqte tarqatqan xewirige qarighanda, rusiye dumasining mu'awin bashliqi shipérof 26-yanwar küni mundaq dégen: "Hazirqi qazaq-rus chégra siziqi menggülük emes. Hazir qazaqistan waqtinche tutup turiwatqan rusiye téritoriyesini biz uzun'gha qalmay qayturup alimiz."

Qazaqistan tashqiy ishlar ministérliqi bu heqte derhal inkas qayturup, özlirining bu mesilidiki endishisini bildürgen. Mewlan hashimbayéf, pawél shipérofning bu sözlirini "Qobul qilghili bolmaydu", dégen.

Melumki, rusiyediki bir qisim hökümet emeldarliri bilen nobél tinchliq mukapatining sahibi solzhénitsinni öz ichige alghan nopuzluq shexsler otturigha chiqip, qazaq-rus chégrasini qayta sizishni teshebbus qilghan.

Moskwaning 2014-yili zorluq küch ishlitip qirim yérim arilini özige qoshiwélishi, ukra'inadiki rus ahalilirini qutritip bölgünchilik élip bérishi nöwette rusiye bilen chégralinidighan shimaliy téritoriyeside xéli köp rus ahaliliri bolghan qazaqistanni endishige salmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet