Бәшәр әсәд: русийәниң ракеталири сүрийәгә йетип кәлди

Сүрийә президенти бәшәр әсәд ливандики бир телевизийә қанилиға баянат берип, русийәдин сетивелинған S-300 типлиқ ракеталириниң дәсләпки бир қисминиң сүрийәгә йетип кәлгәнликини билдүрди. Бирләшмә агентлиқиниң ейтишичә, русийә даирилири техи бу һәқтә рәсмий баянат берип, буниң растлиқини дәлиллимигән.

Бәшәр әсәд һакимийитини қоллап кәлгән русийә бир қанчә вақиттин бери хәлқараниң бесими билән сүрийәгә қорал сетишни кечиктүрүп кәлгән болсиму, әмма кейин башқа дөләтләр әгәр сүрийәниң ишиға арилашқан тәқдирдә, өзлириниңму әсәд һөкүмитини ракета билән тәминләшни давам қилидиғанлиқини җакарлиған иди.

Әгәр русийәниң сүрийәни S-300 типлиқ ракета билән тәминлигәнлики раст болған тәқдирдә, буниң америка вә русийә бирликтә җәнвәдә ачидиған сүрийә йиғинидиму кризис пәйда қилидиғанлиқи мөлчәрләнмәктә.