Русийиликләр йәнила сталинни сеғинмақта

Мухбиримиз үмидвар
2015-02-09
Share


Сталин бүгүнки русийәдики йәнә бир муһим тема, совет иттипақиниң йимирилгән дәсләпки вақитлирида сталин қаттиқ әйиблинип, униң қилмишлири көпләп паш қилинсиму, әмма һазир сталинниң образиниң русийиликләр арисида қайтидин тиклиниватқанлиқи мәлум болмақта.

Русийәниң "прес" қатарлиқ торлириниң хәвәрлиридә көрситилишичә, йеқинда русийәдики "левада - сентра" дәп аталған бир орган мәхсус кишиләрниң сталин һәққидики райини синиған болуп, 52% русийәлик сталинниң дөләт һаятида муһим рол ойниғанлиқини муәййәнләштүргән. Сталиндин башқа ленин вә ахирқи чар падишаһ николай иккинчи һәққидиму рай синалған болуп, бу иккисиниң еришкән иҗабий баһаси исталиндин төвәнрәк болған.

Омумий җәһәттин алғанда русийәликләрниң сталинниң 30 йилға йеқин һөкүмранлиқ дәври, болупму 1941 - 1945 - йилидики уруш һәм вапат болғичә болған арилиқтики төһпилирини юқири баһалаш кәйпияти йеқинқи йиллардин буян ашқан.

Йеқинқи йиллардин буян русийәдә 2 - дуня уруши һәққидики көп қисимлиқ телевизийә филимлириму көпләп ишләнгән болуп, буларда сталин ойниған ролиға иҗабий баһалар берилгән һәмдә сталин дәври совет иттипақиниң әң қудрәтлик дәври сүпитидә гәвдиләндүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт