Rusiye süriyede hawa hujumini bashlidi

Muxbirimiz ümidwar
2015-09-30
Share

Amérikining s n n téléwiziyesining, amérikining yuqiri derijilik bir emeldarining teminligen uchuri asasida xewer qilishiche, rusiye hawa armiyisi charshenbe küni süriyede tunji qétim hawa hujumi élip bardi.

Bu hawa hujumi süriyening xoms shehiri yénida élip bérildi. Mezkur hawa hujumi élip bérilish aldida rusiye fédératsiye kéngishi rusiye prézidéntigha chet'ellerde herbiy küch ishlitish hoquqi bergen idi.

Rusiyening ta s s agéntliqining xewer qilishiche, rusiye fédératsiye kéngishi 162 bélet bilen prézidéntning chet'elde herbiy küch ishlitish iltimasini testiqlighan.

Rusiyening süriyede "Islam döliti"ge qarshi tunji qétim hawa hujumi bashlighanliqini rusiye dölet mudapi'e ministirliqining bayanatchisi igor konashénkow resmiy delillidi.

Rusiye prézidént apparatining bashliqi sérgéy iwanow, fédératsiye kéngishining bu qétimqi testiqining rusiye armiyisining peqet süriye hökümitining islam dölitige qarshi kürishige hawadin yardem bérishige qaritilghanliqini ilgiri sürgen.

B b s agéntliqining xewer qilishiche, rusiye fédératsiye kéngishi süriyege hawa armiyisi arqiliq yardem bérish qararini chiqirip uzun ötmey, süriye hökümitimu prézidént beshir esedning süriye döliti namidin rusiye prézidénti wladimir putin'gha sun'ghan telipige bina'en rusiyening süriyege herbiy awi'atsiye küchi ewetkenlikini jakarlighan.

Buningdin ilgiri rusiye küreshchi ayropilanlirining süriyening latakiye hawa armiye bazisigha jaylashqanliqi, u yerde 600 neper rusiye herbiy xadimi barliqigha a'it xewerler otturigha chiqqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet