Rusiyening ukra'inadiki meghlubiyiti xitaygha sawaq béremdu?

Muxbirimiz jewlan
2022.04.20
Share on WhatsApp
Share on WhatsApp

19-Aprél “Amérika birleshme agéntliqi” da élan qilin'ghan bir maqalide tehlil qilinishiche, rusiyening ukra'inagha hujum qilghan eskerlirining talapetke uchrap qayta retke sélinishi, qara déngizdiki urush paraxotining chöktürüwétilishi qatarliq birqatar meghlubiyetler rusiyening ajizliqini ashkarilap, xitaynimu özining herbiy küchini qayta dengseshke mejburlighan.

Maqalide mundaq déyilgen: “Xitaymu rusiyege oxshash özining herbiy küchini sabiq sowét ittipaqigha teqlid qilghan asasta shekillendürgen. Mutexssilerning bildürüshiche, shi jinping qatarliq xitay rehberliri rusiyening ukra'inagha hujum qilghandin kéyin ashkarilan'ghan ajizliqini inchike tehlil qilmaqta. Chünki xitay hökümiti “Azadliq armiye” séni ishqa sélip teywenni özige qoshuwalmaqchi bolsa, bu ajizliqlardin sawaq ornida paydilinishi mumkin”.

On nechche yildin béri rusiye armiyesi bir qatar islahat we zamaniwilishish qurulushidin kéyin giruziye, chéchenistan, süriye urushlirida ghelibe qazan'ghan we qirimni yutuwalghan bolsimu ukra'ina urushida özining ajizliqini ashkarilighan. Mutexessislerning qarishiche, xitay armiyesi 1979-yildin buyan tüzük jeng qilip baqmighan bolup, rusiyege qarighanda jeng qilish tejribisi az iken؛ xitay eskerlirining jenggiwarliqimu töwen bolup, xitay puqraliri yalghuz perzentini ölümge yolgha sélishni xalimaydiken. Xitayning jeng qorallirimu rusiyeningkidin anche perqlenmeydighan kona qorallar bolup, zamaniwilishish derijisini yuqiri dégili bolmaydiken. Bundaq bir armiyening murekkep jeng weziyitide ghalib chiqalishi teske toxtaydiken, rusiyening ukra'inadiki meghlubiyitimu buni éniq körsitip bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet