Gherb rusiyening ukra'ina zéminlirini ‍özige qétiwélishigha qarita uninggha qarshi émbargoni kücheytti

Muxbirimiz erkin
2022.09.30
Share on WhatsApp
Share on WhatsApp

Amérika bilen yawropa ittipaqi rusiyening ukra'inada ishghal qiliwalghan 4 rayonni qanunsiz özige qoshuwélishigha qarita uninggha qarshi émbargoni kücheytken. En'gliye axbarat tori BBC ning xewer qilishiche, amérika maliye ministirliqi 30-séntebir émbargoning rusiyening ikki xelq'araliq teminlesh zenjiri, rusiye pul-mu'amile ul eslihelirining 3 neper rehbiri, bezi rusiye emeldarlirining biwasite a'ile ezaliri we 278 neper rusiye parlamént ezasini öz ichige alghan ukra'ina urushining arqisidiki rusiye “Herbiy sana'et apparatliri” ni nishan'gha alghanliqini bildürgen. Amérika maliye ministiri jenét yélén: “Putin aldamchiliq bilen ukra'inaning bir qisim zéminlirini özige qoshuwalmaqchi bolsa, biz buninggha qarap turmaymiz” dégen.

Prézidént baydén, rusiyening ukra'inaning töt rayonini aldamchiliq bilen özige qoshuwélishi, xelq'ara qanun'gha xilapliq ikenlikini bildürgen. BBC Ning éytishiche, oxshash bir waqitta yawropa ittipaqi bilen en'gliyemu heriketke ötken. Xewerde, yawropa ittipaqigha eza döletler elchilirining 30-séntebir biryussélgha toplan'ghanliqi, émbargo tedbirlirining kéler hepte élan qilinishi mümkinliki, émbargoning import, éksport cheklimisi, shundaqla sana'etleshken 7 döletning néfit bahasigha cheklimige qoyush teklipinimu öz ichige élishi mümkinliki bildürülgen.

Biraq ukra'ina dölet mudapi'e ministiri dmitro kuléba, bu yéngi émbargo tedbirlirining yéterlik emeslikini éytqan. Ukra'ina prézidénti zélinéskiy bolsa, rusiye prézidénti putinning ukra'inaning 4 rayonini rusiyege qoshuwélishqa urunushi bilen “Ukra'inaning sh a e t gha tézrek kirish iltimasigha imza qoyush arqiliq hel qilghuch qedem tashlighanliqi” ni bildürgen.

Rusiye prézidénti pütün 30-séntebir ukra'inaning rusiye armiyesi teripidin ishghal qiliwélin'ghan donétsik, loganisk, kérson we zaporizhiya qatarliq 4 rayonini resmiy rusiyege qoshuwalghanliqini élan qilip, yadro qorallirini ishlitish tehditide bolghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.