Amérika tashqiy ishlar ministiri blinkén xitayning rusiyeni qollighanliqini qattiq tenqid qilghan

Muxbirimiz erkin
2022.07.11
Share on WhatsApp
Share on WhatsApp

Amérika tashqiy ishlar ministiri antoniy blinkén ötken shenbe küni, yeni 10-iyun hindonéziyening bali shehiride ötküzülgen 20 dölet guruhining tashqiy ishlar ministirliri yighinida xitay tashqiy ishlar ministiri wang yi bilen ayrim körüshüp, 5 sa'ettin artuq söhbet élip barghan. “Blumbérg xewerliri” agéntliqining bildürüshiche, blinkén söhbettin kéyin xitayning rusiyeni qollighanliqini qattiq tenqid qilghan. Blinkénning éytishiche, u wang yigha xitayning ukra'ina urushida biterep emeslikini, chünki éniq tajawuzchiliq bolghanda biterep deydighan nerse bolmaydighanliqini éytqan.

Blinkén yene xitay rehbiri shi jinpingning yéqinda rusiye (prézidédénti) wladimir putin'gha téléfon qilishi, béyjingning moskwani qollawatqanliqining delili ikenlikini bildürgen. Amérika tashqiy ishlar ministirliqining ismini ashkarlashni xalimaydighan bir yoquri derijilik emeldarining bildürüshiche, söbette her ikki terep keynige yanmighan bolsimu, biraq söhbet semimiy, kespiy we ochuq-ashkara bolghan. Söhbette blinkén wang yigha amérikaning xitay bilen bolghan munasiwetni riqabet xaraktérlik, dep qaraydighanliqi, buning némidin dérek béridighanliqi we uning menisidin amérikaning nuqti'inezerini sherhiyligen.

“Blumbérg xewerliri” ning éytishiche, xitay terep söhbetning “Ijabiy” bolghanliqi, qarshi terepni “Xata mölcherlesh” tin saqlinishqa yardimi bolushi mumkinlikini bildürgen, lékin amérika-xitay munasiwetlirining sabiq prézidént tramp peyda qilghan “Qiyinchiliqlar” din kélip chiqmighanliqini ilgiri sürgen.

Xewerde yene bilinkénning teywen boghuzidiki jiddiylik, xongkong démokratiyesi we shinjangdiki mejburiy emgekke oxshash talash-tartishta boluwatqan mesililerni otturigha qoyush bilen birge, wang bilen “‍Ixtilapliq mesililerni hel qilish, shundaqla xeterni kontrol qilish we azaytishning yolliri” ni sözleshken. “Blumbérg xewerliri” ning éytishiche, blinkén yene wang yigha “Hazir xitayning rusiyeni ukra'ina portlirini qamal qilishni axirlashturup, paraxotlarning ashliq éksportigha yol qoyushqa chaqirish waqti kelgenliki” ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.