Rusiye 80 tonna xitay béliqini saqta mal süpitide chekligen

Muxbirimiz ümidwar
2017-02-19
Élxet
Pikir
Share
Print


Rusiyening késelliklerdin mudapi'e körüsh organliri sankitpétérburgdiki déngiz portida xitaydin toshup kélin'gen 80 tonna béliqning rusiye bazarlirigha kirishini chekligen.

Radi'omiz xitay tili bölümining rusiye uchur menbeliri asasida xewer qilishiche, rusiye fédératsiyesi haywanatlar késellikliri we ösümlükler taziliqini nazaret qilish idarisi "Ispaniye mehsulati" dégen xetler bésilghan mexsus yeshiklerge qachilan'ghan béliqlar üstidin tekshürüsh élip bérip, netijide, bu béliqlarning ispaniyening emes, belki xitay mehsulati ikenliki we bularning xitaydin yötkep kélin'genlikini éniqlap chiqqan.。

Rusiye fédératsiye uchur agéntliqi mezkur 80 tonna béliqni "Saqta höjjetliri" körsitilgen we "Xitaydin toshulghan xeterlik béliq" dep atighan hem bu saqta mehsulatning ten saghlamliqqa ziyan sélish endishisi bilen xitaygha qayturiwétilgenlikini yazghan.

Bu weqe her qaysi rusiye xewer agéntliqlirining sehipiliridin orun alghan bolup, xewerlerde éytilishiche tekshürüsh arqiliq béliq qachilan'ghan qeghez yeshiklerningmu ölchemge layiq emesliki we köpligen yeshiklerde töshük barliqi, bulardin kirgen zeherlik maddilar netijiside yeshiktiki béliqlarda bulghinish peyda bolup, istimalchilargha ziyan sélishi mumkinlikini körsetken,

Rusiye da'irliri axiri mezkur 80 tonna saqta mal hésablan'ghan xitay béliq mehsulatini chégridin kirigüzüshni cheklep, bularni öz igisige qayturiwetken.

Toluq bet