Xitay hökümiti Uyghur élidiki chong tutqunda xizmet körsetken 2 orun bilen 6 shexsni mukapatlighan

Muxbirimiz erkin
2021-04-14
Share

Xitayning memliketlik bash ishchilar uyushmisi 13-april uqturush élan qilip, Uyghur élidiki chong teqib we tutqunda xizmet körsetken 2 orun bilen 6 neper shexske 2021-yilliq "1-May emgek mukapati" we "Awan'gart emgekchi" nami bergen. Melum bolushiche, bu yilliq mukapatlashta xitayning memliketlik jama'et xewpsizlik sistémisidiki 4 orun we 17 shexs "1-May emgek mukapati" gha, 14 orun "Awan'gart emgekchi" namigha layiq körülgen.

Bu mukapatning diqqet qilarliq nuqtisi "1-May emgek mukapati" gha xitayning memliket miqyasidiki 4 orunning birining we 17 shexsning töt nepirining Uyghur aptonom rayonida bolushi, bolupmu ularning üch nepirining Uyghur bolushidur. Közetkuchiler Uyghur élidiki yuqiriqi bir orun we töt shexsning 2017-yili bashlan'ghan chong tutqunda aktip rol oynighanliqini ilgiri sürmekte. Halbuki, xitayning bu mezgil ichidiki basturushi amérika, kanada, gollandiye qatarliq doletler teripidin "Irqiy qirghinchiliq" dep élan qilindi.

"Shinjang xewerliri" torining bildürüshiche, ili seksen öylük chégra tekshürüsh ponkiti, bortala sheherlik j. X. Idarisining mu'awin bashliqi abdurehim yunus, jing nahiyelik j. X. Idarisining mu'awin bashliqi aman réhim, qeshqer konasheher nahiye tashmiliq saqchixanisining bashliqi toxtaji memettursun qatarliqlar "1-May emgek mukapati" gha érishken orun we shexsler bolup, qeshqer wilayetlik j. X. Ida'irisi alahide saqchi etritining alahide urush qilish bash etriti bolsa "Awan'gart emgekchi" namigha érishken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet