Xitayda qurulghan bir saxta banka xéridarlarning 200 milyon yüen pulini aldap ketken

Muxbirimiz jüme
2015-01-31
Share


Xewerlerge qarighanda, xitayda qurulghan bir saxta banka bir yildin artuq waqit ichide xéridarlarning 200 milyon yüen pulini aldap ketken.

Banka nenjing shehirige qurulghan bolup, qarimaqqa xuddi hökümet igidarchiliqidiki bankilardin perqsiz iken.

Xewer deslep "Jenubiy astane tori" da 23 - yaniwar élan qilin'ghan. Xewerge qarighanda, banka 2014 - yili 31 - dékabir taqalghan.

Banka xadimlirining hemmisi retlik forma kiyishken bolup, ular heptisige 2 pirsentlik ösüm wedisi bilen jem'iy 200 xéridarning bankigha pul bankigha pul qoyushini qolgha keltürgen.

Hetta 2014 - yilining axiri bir sodiger 12 milyon yüenni bankigha salghan. Emma, u wede qilin'ghan ösüm puligha érishelmigendin kéyin, gumanlinishqa bashlighan we mesilini saqchigha melum qilghan. Saqchi tekshürüsh jeryanida mezkur bankining bir yéza igilik qerz kopiratipi ikenlikini, banka süpitide mulazimet qilish salahiyiti yoqluqini bayqighan.

Kéyin saqchilar xéridarlarning pulini élip xitayning qimar shehiri awmén'gha qarap qachqan bir ayalni öz ichige alghan bankigha munasiwetlik 5 ademni aldamchiliq jinayiti bilen qolgha alghan.

Bu xitayda körülgen eng yéngi shekildiki aldamchiliq qilmishi bolup, bu xitayning ijtima'iy taratqulirida ghulghula qozghighan.

Bir tordash bir yilghiche hökümet da'irilirining buni körmigenlikini shikayet qilsa, yene bir tordash: "Saxta banka, saxta yerlik hökümet" dep yézip xitayda saxtiliqning derijisini hökümetke qeder baghlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet