Әнглийәдә нәшрдин чәкләнгән сахта илмий мақалиләрниң 90% хитайдин кәлгән
“вашингтон почтиси” гезитиниң 2-апрелдики санидин ашкарилинишичә, әнглийәдики даңлиқ илмий: журналлардин “һазирқи заман биологийиси” намлиқ тебабәт журнили йеқинда сахтилиқини ениқлап қайтурувәткән 43 парчә илмий мақалиниң 41 парчисини хитайдики даңлиқ университетлар вә дохтурханилардики профессор вә дохтурлар әвәткән.
Хәвәрдә ейтилишичә, “һазирқи заман биологийиси” журнилиниң илмий әсәрләрниң чинлиқини баһалаш һәйитиниң башлиқи җигиса пател “сахтилиқи тәкшүрүп ениқланған бу илмий мақалиләрдә, башқиларниңкини көчүрүш қилмиши еғир. Бу сахтилиқ инчикилик билән пиланланған дейишкә болиду. Һәтта бәзи мақалиләрниң илмий қиммитини бекиткән мутәхәссисләрниң әмәлийәттә йоқ кишиләр икәнлики испатланди” дегән.
Хитайда сахтилиқ ишлитиш һәр саһәдә мәвҗут. Радиойимизниң зияритини қобул қилған хитай вәзийәт анализчилириниң билдүрүшичә, сахта тавар мәһсулатлири, сахта йемәкликләр, сахта дора, сахта диплом, сахта унван, сахта мақалә-әсәрләрниң бу қәдәр омумлишишиға йәнила хитайдики иҗтимаий түзүм вә хәлқтики “башқиларниңкини өзиниң қиливелиш” психикиси, “әқлий мүлүк һоқуқиға капаләтлик қилиш” қанунидики бошлуқ қатарлиқ көп хил амиллар сәвәб болған.
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Б д т ниң ички қисмидики нишаниға мухалип қилмишлири вә уйғур мәсилиси
