Сайрагүл өзиниң қазақистандики әһвалиниң йәнила турақсизлиқини билдүргән

Мухбиримиз ирадә
2019-02-07
Елхәт
Пикир
Share
Принт

Илгири уйғур дияриниң моңғулкүрә наһийәсидики йепиқ тәрбийә лагерида тутқунларға хитай тилидин дәрс өткән вә кейин қазақистанға қечип чиққан сайрагүл савутбай өзиниң бихәтәрликиниң йәнила хәвп астида туруватқанлиқини билдүргән.

Сайрагүл савут қазақистанға қечип өткәндин кейин қазақ сақчилири тәрипидин тутқун қилинған вә хитайға қайтурулуш хәвпигә дуч кәлгән. Униң делоси ахбаратларниң зор диққитини қозғиған вә хәлқаралиқ җамаәт пикири нәтиҗисидә бултур 8-айда қазақистан соти уни хитайға қайтурмаслиқни қарар қилған.

«Ташқи сиясәт» журнилиниң 6-феврал күни хәвәр қилишичә, 8-айдики сот қараридин кейин, бир гуруппа кишиләр сайрагүлниң өйигә келип униңға әмди бу һәқтә сөзлимәсликни, ундақ болмайдикән ақивитигә өзи мәсул болидиғанлиқи һәққидә агаһландурған. Сайрагүл ахирида өзиниң адвокати вә башқиларниң һеч болмиғанда қазақистанда панаһлиниш илтимаси қобул болғучә болсиму җим туруп туруш һәққидики нәсиһәти билән хитайдики лагерлар һәққидә сөзләшни тохтатқан. Һалбуки, шундақ болушиға қаримай униң қазақистанда панаһлиниш тәлипи икки қетим рәт қилинған.

Сайрагүл «ташқи сиясәт» журнилиға қилған сөзидә өзи қазақистандин панаһлиқ елишни шундақ арзу қилған болсиму, әмма хитай һөкүмитиниң қазақистанға қиливатқан бесимидин бу үмидиниң барғансери азийиватқанлиқини ейтқан. У йәнә өзиниң қазақистанда туруп қелиш үчүн давамлиқ сүкүт қилиш яки лагерларда көргәнлирини ашкарилап, өзиниң виҗдани бурчини ада қилиш оттурисида қаттиқ таллашқа қалғанлиқини ейтқан.

Сайрагүл бултур 8-айдики сотта өзиниң лагерда оқутқучилиқ қилған мәзгилидә лагерларға аит мәхпий материялларни көргәнликини илгири сүргән иди. Гәрчә у лагер мәсилисидики сүкүтини бузушни қарар қилған болсиму, әмма бихәтәрлики капаләткә еришмигүчә бу һәқтә сөзлимәйдиғанлиқини, өзиниң әмди башқа дөләтләрниң ярдимигә моһтаҗ болуши мумкинликини билдүргән.

Пикирләр (0)
Share
Толуқ бәт