Gérmaniyening bu yilliq "Nyurénbérg kishilik hoquq mukapati" lagér shahiti sayragül sa'utbaygha bérilgen

Muxbirimiz erkin
2021-03-01
Share

Gérmaniyening 2021-yilliq "Nyurénbérg kishilik hoquq mukapati" shiwétsiyede turushluq qazaq lagér shahiti sayragül sa'utbaygha bérilgen. "Jenubiy gérmaniye" gézitining xewer qilishiche, "Nyurénbérg kishilik hoquq mukapati" ning bahalash komitéti tepsiliy muzakire élip bérish arqiliq sayragül sa'utbayni bu mukapatqa layiq körgen. Xewerde komitét ezalirining birdek awaz bérip, sayragül sa'utbayning "Qayil qilarliq jasaret" bilen xitaydiki musulman az sanliq milletler üchün tik turghanliqi, "Uyghur we qazaqlargha qaritilghan jinayetni pash qilghanliqi" üchün bu mukapatni uninggha bérishni toghra tapqanliqi tekitlen'gen.

Sayragül sa'utbay buning aldida amérika tashqi ishlar ministirliqining "Jesur ayallar" mupakatigha érishkenidi. Sayragül sa'utbay ilgiri Uyghur élining monggholküre nahiyesidiki bir xitay jaza lagérida mejburiy lagér oqutquchisi bolup ishligen. U 2018-yili qazaqistan'gha qéchip chiqip, panahliq tiligen bolsimu, biraq qazaqistan uninggha panahliq bérishni ret qilghan. Shuning bilen u 2019-yili shiwétsiyening siyasiy panahliqigha ériship, a'ilisi bilen shiwétsiyege bérip olturaqlashqan. Bu jeryanda u lagérdiki xorlash we basqunchiliq qilmishlarni ashkarilap, zor ghulghula qozghighanidi.

Mezkur mukapat gérmaniye hökümiti xitayning Uyghur we bashqa türkiy xelqlerge qaratqan "Irqiy qirghinchiliqi" gha süküt qilish bilen eyibliniwatqan mezgilde sayragülge bérilgen. "Jenubiy gérmaniye" gézitining xewiride körsitishiche, nyurénbérg sheher bashliqi markus könig xitayning bu mukapat seweblik inkas bildürüshi mumkinliki, biraq nyurénbérg shehirining xitay bilen "Muzakire élip bérish" ni ümid qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet