Өзбекистан шаңхәй һәмкарлиқ тәшкилати йиғини ечиш үчүн бихәтәрликни давамлиқ күчәйтмәктә

Мухбиримиз үмидвар
2016-06-13
Share

Өзбекистан шаңхәй һәмкарлиқ тәшкилатиға әза дөләтләр алий рәһбәрлири йиғининиң мувәппәқийәтлик ечилиши үчүн пайтәхт ташкәнттики бихәтәрлик тәдбирлирини давамлиқ күчәйтмәктә.

Шаңхәй һәмкарлиқ тәшкилатиниң мәзкур чоң йиғинға 11 үн күн қалған иди.

Пәрғанә учур ториниң "өзбекистан хәвәрлири" агентлиқидин нәқил елишичә, өзбекистан ички ишлар министирлики 16 - июндин етибарән барлиқ хилдики аптомобиллар вә төмүр йол қатнаш васитилириниң сирттин ташкәнт шәһиригә киришини тохтатқанлиқини җакарлиған.

Униңдин илгири ташкәнт шәһиридә кочида йүргән пуқраларниң кимликини тәкшүрүш, ташкәнт шәһиридә туруш рухсити йоқларниң шәһәрдә турмаслиқиға аит түзүм йолға қоюлғанлиқи хәвәр қилинған иди.

23 - 24 - Июн күнлири өзбекистанниң саһибханлиқи билән ташкәнттә шаңхәй һәмкарлиқ тәшкилатиға әза дөләтләр алий рәһбәрлириниң 15 - нөвәтлик йиғини вә мәзкур тәшкилат қурулғанлиқиниң хатирә мурасими өткүзүлидиған болуп, мәзкур чоң йиғинға русийә, хитай, өзбекистан, қазақистан, таҗикистан, қирғизистан презедентлири шуниңдәк йәнә көзәткүчи дөләтләр рәһбәрлири иштирак қилиду, шаңхәй һәмкарлиқ тәшкилатиниң ташкәнт йиғинида һиндистан билән пакистанни мәзкур тәшкилатқа рәсмий әзалиққа қобул қилиш вә башқа район характерлиқ бихәтәрлик мәсилилириниң муһакимә қилинидиғанлиқи хәвәр қилинмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт