Özbékistan shangxey hemkarliq teshkilati yighini échish üchün bixeterlikni dawamliq kücheytmekte

Muxbirimiz ümidwar
2016-06-13
Share

Özbékistan shangxey hemkarliq teshkilatigha eza döletler aliy rehberliri yighinining muweppeqiyetlik échilishi üchün paytext tashkenttiki bixeterlik tedbirlirini dawamliq kücheytmekte.

Shangxey hemkarliq teshkilatining mezkur chong yighin'gha 11 ün kün qalghan idi.

Perghane uchur torining "Özbékistan xewerliri" agéntliqidin neqil élishiche, özbékistan ichki ishlar ministirliki 16 - iyundin étibaren barliq xildiki aptomobillar we tömür yol qatnash wasitilirining sirttin tashkent shehirige kirishini toxtatqanliqini jakarlighan.

Uningdin ilgiri tashkent shehiride kochida yürgen puqralarning kimlikini tekshürüsh, tashkent shehiride turush ruxsiti yoqlarning sheherde turmasliqigha a'it tüzüm yolgha qoyulghanliqi xewer qilin'ghan idi.

23 - 24 - Iyun künliri özbékistanning sahibxanliqi bilen tashkentte shangxey hemkarliq teshkilatigha eza döletler aliy rehberlirining 15 - nöwetlik yighini we mezkur teshkilat qurulghanliqining xatire murasimi ötküzülidighan bolup, mezkur chong yighin'gha rusiye, xitay, özbékistan, qazaqistan, tajikistan, qirghizistan prézédéntliri shuningdek yene közetküchi döletler rehberliri ishtirak qilidu, shangxey hemkarliq teshkilatining tashkent yighinida hindistan bilen pakistanni mezkur teshkilatqa resmiy ezaliqqa qobul qilish we bashqa rayon xaraktérliq bixeterlik mesililirining muhakime qilinidighanliqi xewer qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet