Yaponiye xitay kémilirining sénkako arili déngiz tewelikige kirgenlikige naraziliq bildürdi

Xewerlerdin melum bolushiche, yaponiyining xitaydiki bash elchisi 23 - april küni etigen xitay tashqi ishlar ministirliqigha naraziliq xéti yollap, 23 - aprél seherde sénkako arili déngiz tewelikige kirgen sekkiz dane xitay paraxotining yaponiye déngiz tewelikidin derhal chiqip kétishini telep qilghan.

Yaponiye bash weziri shinzu abimu seyshenbe küni muxbirlargha bayanat bérip, “Eger xitay terep aralgha chiqsa yaponiyening küch qollinidighanliqi” ni agahlandurdi.

23 - April shu jay waqti seherde, xitayning 8 dane charlighuchi paraxodi igilik hoquqi yaponiye bilen xitay arisida talashta qalghan sénkako arili déngiz tewelikige 12 déngiz mili ichkirilep kirgen bolup,xitay tashqi ishlar bayanatchisi xu'a chünying seyshenbe küni chüshtin kéyin bayanat bérip, xitayning 8 dane charlash paraxodining déngizdiki charlash wezipisini ijra qilish üchün, diyawyü arili déngiz tewelikige kirgenlikini bildürgen. Xu'a chünying yene, yaponiyening ong qanat parlamént ezaliridin 80 nechche kishining 21 - aprél tokyodiki yasukoni qebristanliqini tawap qilghinigha naraziliq bildürüp, “Bu qilmish, yaponiye ong qanat terepdarlirining eyni yilliridiki yaponiyining qoshna döletke tajawuz qilghanliq qilmishini inkar qilghanliq” dédi.