Yaponiyening dölet mudapiye weziri sénkako arili mesiliside keskin pozitsiye bildürgen

Yaponiye dölet mudapiye weziri nobu'o kishi xitay talishiwatqan sénkaku arili mesilisde keskin ipade bildürüp: “Sékaku arili shek-shübhisizki yaponiyening zémini, yaponiye uni qet'iy qoghdaydu,” dégen. U ye'imu ilgiriligen halda: “Yaponiye sénkako ariligha xitaydin kélidighan herqandaq tehditke layiqida, hetta zörür tépilsa ashurup jawab qayturidu,” dep agahlandurghan.

Yaponiye dölet mudapiye weziri bu sözlerni CNN téléwiziyesining mexsus ziyaritini qobul qilghanda dégen.

Nobu'o kishi yene munularni tekitligen: “Biz xitayning sénkaku arili we sherqiy déngizning bashqa jaylirigha qaratqan heriketlirige qarshi shuni ispatlishimiz kérekki, yaponiye hökümiti yaponiye déngiz qirghiqini xitayningkidinmu köp muhapizet paraxoti bilen qet'iy qoghdaydu. Yaponiye bilen bashqa döletler otturisida sénkaku ariligha munasiwetlik héchqandaq zémin talash-tartishi yoq.”

Yaponiye dölet mudapiye weziri nobu'o kishi teywen mesilisi heqqidimu toxtilip: “Teywende yüz bériwatqan ishlar yaponiye bilen biwaste munasiwetlik. Yaponiye ishlitidighan énérgiyening 90 pirsenti teywen etrapidiki rayonlardin import qilinidu. Bu eslide tokyo azaytishqa tégishlik bir yochuq. Teywende yüz bergüsi ishlar yaponiyegimu tesir körsitidu, shunga yaponiye u yerdiki ehwallargha zörür inkas qayturushi kérek,” dégen.

CNN Téléwiziyesining bayan qilishiche, yaponiye nöwette dölet mudapiye qisimlirini kéngeytip, F-35 küreshchi ayropilanini köpeytken, urush paraxotlirini awiyamatkigha özgertken, yéngi qoghlighuchi paraxot, su asti paraxoti we bashqurulidighan bomba orunlashturulidighan paraxotlarni yasawatqan iken. Yaponiye yene teywen mesilisidiki pozitsiyesini kücheytish üchünmu gherbiy jenub rayonlirigha esker we herbiy eslihe yötkeshni kücheytmektiken.

Nobu'o kishi yaponiyening bu tedbirlirini “Bu bizning yaponiye zéminining gherbiy jenub rayonini qoghdashtiki küchlük iradimizni namayan qilish üchündur,” dégen.

Yéqindin buyan yaponiyening xitayning igilik hoquqi mesilisidiki zomigerlikige qarshi pozitiyesini chingiـtqan bolup, ikki terepning bu mesilide yoshurun tirkishiwatqanliqi melum. Yaponiye dölet mudapiye wezirining bu sözlirining xitayni qattiq bi'aram qilidighanliqi texmin qilinmaqta.