16 - Ноябир серқбуя вәқәси хәлқара мәтбуатлардин орун алди

Мухбиримиз үмидвар
2013-11-17
Елхәт
Пикир
Share
Принт


16 - Ноябир күни маралбеши наһийисиниң серқбуя йезисидики сақчиханида болған тоқунуш вә сақчиларниң бастуруш һәрикити һәққидики хәвәрләр асаслиқ хәлқара мәтбуалтлар тәрипидин тарқитилди.

Америка бирләшмә агентлиқи бу вәқә һәққидә узун хәвәр анализи елан қилип, уйғур мәнбәлири асасида вәқәниң өтмүши шуниңдәк уйғур елидики бундақ вәқәләргә сәвәб болуватқан амиллар һәққидә анализ вә көз қарашларни тонуштурди.

Франсийә агентлиқиму серқбуя вәқәси һәққидә узун хәвәр анализ елан қилип, дуня уйғур қурултийи баянатчиси дилшат решитниң сөзи асасида вәқәдә 11 адәмниң һаятидин айрилғанлиқи, әслидә вәқәниң сақчиханиға наразилиқ билдүрүп барған кишиләрниң сақчилар тәрипидин оқ чиқирилғанлиқи баян қилинған.

Бу вәқәләр һәққидә йәнә б б с, ройтерс, америка авази, тәйвән мәркизи ахбарат агентлиқи, әркин асия радиоси вә башқа көплигән хәвәр васитилири арқиму - арқидин қисқа хәвәр вә уйғурлар вәзийитини чөридигән һалда учурлар тарқатти.

Радиомизиң игилишичә, йәкшәнбә күни маралбеши қатарлиқ җайларда бихәтәрлик тәбирлири алаһидә күчәйтилгән болуп, сақчиларниң адәмләрни тохтитип, кимликлирини тәкшүрүшни өз ичигә алған назарәт техиму күчәйтилгән,һәтта вәқә йүз бәргәндин кейин даириләр шу җайдики хитай аһалилириниң өйлиригә бирму - бир телефон қилип, уларға вәқәни уқтуруп, һушяр болушқа дәвәт қилған.

Пикирләр (0)
Share
Толуқ бәт