16 - Noyabir sérqbuya weqesi xelq'ara metbu'atlardin orun aldi

Muxbirimiz ümidwar
2013-11-17
Élxet
Pikir
Share
Print


16 - Noyabir küni maralbéshi nahiyisining sérqbuya yézisidiki saqchixanida bolghan toqunush we saqchilarning basturush herikiti heqqidiki xewerler asasliq xelq'ara metbu'altlar teripidin tarqitildi.

Amérika birleshme agéntliqi bu weqe heqqide uzun xewer analizi élan qilip, Uyghur menbeliri asasida weqening ötmüshi shuningdek Uyghur élidiki bundaq weqelerge seweb boluwatqan amillar heqqide analiz we köz qarashlarni tonushturdi.

Fransiye agéntliqimu sérqbuya weqesi heqqide uzun xewer analiz élan qilip, dunya Uyghur qurultiyi bayanatchisi dilshat réshitning sözi asasida weqede 11 ademning hayatidin ayrilghanliqi, eslide weqening saqchixanigha naraziliq bildürüp barghan kishilerning saqchilar teripidin oq chiqirilghanliqi bayan qilin'ghan.

Bu weqeler heqqide yene b b s, roytérs, amérika awazi, teywen merkizi axbarat agéntliqi, erkin asiya radi'osi we bashqa köpligen xewer wasitiliri arqimu - arqidin qisqa xewer we Uyghurlar weziyitini chöridigen halda uchurlar tarqatti.

Radi'omizing igilishiche, yekshenbe küni maralbéshi qatarliq jaylarda bixeterlik tebirliri alahide kücheytilgen bolup, saqchilarning ademlerni toxtitip, kimliklirini tekshürüshni öz ichige alghan nazaret téximu kücheytilgen,hetta weqe yüz bergendin kéyin da'iriler shu jaydiki xitay ahalilirining öylirige birmu - bir téléfon qilip, ulargha weqeni uqturup, hushyar bolushqa dewet qilghan.

Toluq bet