Қазақистан сот мәһкимиси серикҗан билашоғлиға қаритилған мирзақамақни йәнә бир ай узартқан

Мухбиримиз әркин
2019-06-07
Share

Қазақистан пайтәхти нурсултандики бир сот мәһкимиси 7‏-июн күни уйғур районидики қазақларниң кишилик һоқуқ паалийәтчиси, "атаюрт" тәшкилатиниң рәһбири серикҗан билашоғлини сотлап, униң униң мирзақамақ җазасини йәнә бир ай узартқан. Бу униң мирзақамақ җазасиниң буниң билән бир қанчә қетим узартилишидур.

Мәркизи прагадики "азадлиқ радийоси" ниң хәвәр қилишичә, серикҗан билашоғили 10‏-июлға қәдәр мирзақамақта тутуп турулидикән. Сот мәһкимисидә билашоғлиниң нурғун қоллиғучилири қоллирида инглизчә, русчә, қазақчә вә хитайчә лозункиларни көтүрүп, униң мирзақамақтин бошитилишини тәләп қилған.

Билашоғли бу йил 3‏-айда алмута шәһиридә қолға елинип, "етник өчмәнликкә қутратқулуқ қилиш" билән әйибләнгән. У шу қетимқи тутқунда қазақистан пайтәхти нурсултан шәһиригә елип кетилгән иди.

Билашоғли қазақистанда "ата юрт" намлиқ кишилик һоқуқ тәшкилати қуруп, уйғур районида хитай һөкүмити тәрипидин тутқун қилинған қазақларниң қоюп берилишини тәләп қилған. Униң тутқундики қазақларниң аилә әзалирини тәшкилләп, гуваһлиқ бериш һәрикити қозғиши хәлқара таратқуларда ғулғула қозғиған. Униң һәрикити хитай һөкүмитини қаттиқ биарам қилған шундақла қазақистан даирилирини осал әһвалға чүшүрүп қойған.

Қазақистанниң алмута шәһиридики бир сот мәһкимиси уни бу йил 2‏-айда бир қанунсиз тәшкилатқа рәһбәрлик қилиш билән әйибләп, униңға 670 доллар җәриманә қойған. Униң адвокати айман өмәрова йеқинда намәлум кишиләрниң тәһдитигә учриған. "азадлиқ радийоси" ниң хәвиридә қәйт қилинишичә, билашоғли "ата юрт" тәшкилатиниң уйғур районидики қазақларниң кишилик һоқуқни қоғдашни давамлаштуридиғанлиқи, "ата юрт" тәшкилатини қазақистан әдлийә министирлиқиға қайта тизимға алдурушқа тиришидиғанлиқини билдүргән. Серикҗан билашоғли бу йил 3‏-айда тутқун қилинғанда униң "ата юрт" тәшкилати" му печәтләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт