Сериқ уйғурларниң нөвәттә милләт сүпити билән «трагедийәлик таллаш»қа дуч келиватқанлиқи мәлум болмақта

Мухбиримиз қутлан
2016-10-02
Елхәт
Пикир
Share
Принт


Сериқ уйғурлар яки юғурлар хитайниң гәнсу өлкиси сунән сериқ уйғур аптоном наһийәсидә яшап келиватқан чарвичи хәлқ болуп, тарихчилар уларни орхун уйғур ханлиқи вә гәнҗо уйғур ханлиқидин қәп қалған қәдимки уйғурларниң әвладлири, дәп қарайду.

«Нйо-йорк вақит гезити» алдинқи күни сериқ уйғурлар вә уларниң нөвәттики трагедийәлик қисмити һәққидә икки парчә мақалә елан қилған болуп, униңда хитайдики қәдимий мәдәнийәткә игә сани аз бир хәлқниң тил, мәдәнийәт вә миллий мәвҗутлуқ җәһәттин йоқилиш гирдабиға қарап маңғанлиқи баян қилинған.

Мәлумки, сериқ уйғурлар гәнҗо уйғур ханлиқи йимирилгәндин кейин чилйән тағлири билән хеши каридори арилиқида қәп қалған қәдимки уйғурларниң қалдуқлири болуп, улар 16-әсирдин кейин уйғур дияридин шәрққә қачқан буддист уйғурлар билән қошулуп һазирқи сериқ уйғурларни шәкилләндүргән.

Сериқ уйғурларниң һазирқи омумий нопуси 13 миң әтрапида болуп, улар тил пәрқи сәвәбидин шәрқий сериқ уйғурлар вә ғәрбий сериқ уйғурлар дәп иккигә айрилған. Шәрқий сериқ уйғурлар моңғол тилиниң енгар диалектидә, ғәрбий сериқ уйғурлар қәдимки уйғур тилида сөзлишидикән. Улар диний етиқад җәһәттин тибәт буддизимиға етиқад қилдикән.

Йеқинқи йиллардин буян сериқ уйғурлар билән уйғур дияридики уйғурларниң тил, мәдәнийәт вә қан-қериндашлиқ җәһәттики бағлинишлири көплигән тәтиқатчиларниң қизиқишини қозғимақтикән.

Пикирләр (0)
Share
Толуқ бәт