Se'udi erebistanning xitaygha bergen yéngi wedisi diqqet qozghidi

Muxbirimiz eziz
2021-03-26
Share

Uyghur jemiyiti duch kéliwatqan irqiy qirghinchiliq aldida izchil sükütte turup kelgen se'udi erebistan hökümiti xitay tashqi ishlar ministiri wang yining xizmet ziyariti jeryanida özlirining xitay hökümitini qollaydighanliqini yene bir qétim ipadilidi.

Xitay hökümiti bashqurishidiki shinxu'a agéntliqining 25-marttiki xewiride éytilishiche, wang yi xizmet ziyariti üchün riyadqa barghan hemde weli'ehdi muhemmed bin salman bilen mexsus söhbette bolghan. Söhbette se'udi erebistanning ottura sherq weziyiti, birleshken döletler teshkilati (b d t) diki roli qatarliq mesililer heqqide pikir almashturghandin kéyin, ikki terep térorluqqa ortaq qarshi turidighanliqini bildürgen. Muhemmed bin salman shu qatarda se'udi erebistan hökümitining xitay hökümiti ijra qiliwatqan "Térorluqqa qarshi tedbirler" ni qet'i hémaye qilidighanliqini, shuningdek xitayning xongkong we Uyghur diyaridiki igilik hoquqini pütün küchi bilen qollaydighanliqini bildürgen. U bu heqte wang yigha wede bérip "Biz silerning ichki ishinglargha héchqandaq ehwalda arilashmaymiz. Shundaqla héchqandaq bir guruhning islam dunyasi bilen xitay otturisida sürkilish peyda qilishighimu yol qoymaymiz" dégen.

Yéqinqi mezgillerde se'udi erebistan hökümiti izchil oxshimighan xelq'araliq sorunlarda xitay hökümitining Uyghur diyaridiki basturush siyasetlirini hémaye qilip kéliwatqan bolup, buning netijiside her xil sewebler bilen se'udi erebistanigha bérip qalghan bir qisim ‍uyghurlarni tutqun qilip mexpiy halda xitaygha qayturup bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet