Шаһ мәһмуд уйғурларниң зиянкәшликкә учриши тоғрисида сөз қилишни рәт қилди

Мухбиримиз әзиз
2021-05-24
Share

Франсийәдики чарлий хабду картон вәқәси вә пәләстиндики мусулманларниң зиянкәшликкә учриши һәққидә әң күчлүк пикир баян қилған мусулман дөләтлиридин пакистан һөкүмити уйғурлар мәсилисидә изчил сүкүттә туруп кәлгән иди. Өткән һәптә пакистан ташқий ишлар министири шаһ мәһмуд қурәйш бир қетимлиқ телевизийә зияритидә CNN ниң мухбири сориған уйғурлар һәққидики соалға йәнә бир қетим ашундақ мәвһум шәкилдә җаваб бәргән.

Мухбир америка һөкүмити вә башқа саһәниң "уйғурлар ирқий қирғинчилиққа дуч келиватиду" дегән мәзмунда хитай һөкүмитини әйиблигәнликини әскәртип: "силәр немә үчүн бу һәқтә зуван сүрмәйсиләр?" дәп сориған. Шаһ мәһмуд болса өзлириниң хитай билән болған достлуқ алақисини алаһидә тәкитлигән һәмдә хитайни бу мәсилидә ашкара әйиблийәлмәйдиғанлиқидин бишарәт бәргән. Шуниңдәк бу мәсилә тоғрисида "дипломатик йоллар" арқилиқ сөзлишиватқанлиқини һәмдә һәммила ишни ашкара дәп йүргили болмайдиғанлиқини тәкитлигән. Мухбир "хитай һазир қирғинчилиқ қиливатиду. Силәр иқтисадий мәнпәәт үчүн буни көрмәскә селиватамсиләр?" дегәндә, шаһ мәһмуд: "һәммила ишниң йоли болиду. Биз өзимизниң мәсулийитини унтуп қалғидәк дәриҗидә әмәс," дегән.

Хитай һөкүмитиниң иқтисадий җәһәттики контроллуқи сәвәбидин көплигән ислам дөләтлири уйғурлар мәсилисидә сүкүт қиливатқан болуп, пакистан һөкүмити изчил "хитайниң әң йеқин гуппаңчиси" дәп қариливатқанлиқи мәлум. Пакистан баш минстири имран ханму бирнәччә қетим бу һәқтики соалларға җаваб бериштин өзини чәткә алған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт