Shangxey hemkarliq teshkilatining bashliqlar yighini qoshma axbarat élan qildi

Muxbirimiz erkin
2019-06-17
Élxet
Pikir
Share
Print

Shangxey hemkarliq teshkilatining ötken hepte qirghizistan paytexti bishkek shehiride ötküzülgen bashliqlar yighini qoshma axbarat élan qildi. Uningda eza döletler otturisidiki hemkarliqni kücheytish, mezkur rayonning bixeterlikige kapaletlik qilish qatarliq mesililer tekitlen'gen.

Qoshma axbaratta, eza döletlerning térrorluqning her xil shekil we alametlirini birdek tenqidleydighanliqi eskertilip, xelq'ara jem'iyetni térrorluqqa qarshi turush kürishini b d t ni merkez qilish, xelq'ara hemkarliqni algha sürüsh, döletlerning igilik hoquqi we musteqilliqigha hörmet qilish asasida élip bérishqa chaqiridighanliqi tekitlen'gen. 

Mezkur yighin xitay hökümiti 2 milyondek Uyghur, qazaq we bashqa musulman xelqlerni yighiwélish lagérlirigha qamap, Uyghur jem'iyitige qarita omumyüzlük dijital teqibleshni yolgha qoyuwatqan mezgilde ötküzülgen. Xitayning qilmishi xelq'ara kishilik hoquq teshkilatlirining we gherb döletlirining qattiq tenqidige uchrighan bolsimu, lékin musulman döletler we ottura asiyadiki jumhuriyetler buninggha izchil süküt qilip kelgen yaki xitayni qollap kelgenidi. 

14‏-Iyun küni ötküzülgen yighin'gha rusiye prézidénti putin, xitay re'isi shi jinping, qirghizistan prézidénti soronbay jé'énbékof qatarliqlar, shuningdek hindistan, pakistan, qazaqistan, özbékistan, tajikistan qatarliq eza döletler rehberliri we iran prézidénti rohaniy qatnashqan. Yighinning harpisida rusiye prézidéntining yardemchisi yuri ushakof yighinda nuqtiliq eza döletlerning bixeterlik, térrorluqqa qarshi turush, zeherlik chékimlik etkeschiliki, iqtisadi tereqqiyat, sana'et we ijtima'iy hemkarliqni kücheytish qatarliq mesililerning muzakire qilinidighanliqini bildürgenidi. 

Bu qétimqi yighin amérika-xitay soda urushi intayin keskinleshken bir mezgilde chaqirildi. Analizchilarning ilgiri sürüshiche, soda urushi xitay iqtisadida qattiq tesir qilip, uning bir belwagh bir yol pilani meblegh yétishmesliktek jiddiy riqabetke duch kelgen. Analizchilar. Bu ehwal bu nöwetlik yighinda shi jinpingni passip ehwalgha chüshürüp qoyup, bashqa döletlerni aktip orun'gha chiqarghanliqini ilgiri sürmekte.

Toluq bet