Shangxey hemkarliq teshkilati Uyghur rayoni chégrasida yene térrorluqqa qarshi manéwir ötküzdi

Muxbirimiz shöhret hoshur
2017-06-28
Share

Shangxey hemkarliq teshkilati 27-iyun küni Uyghur rayoni bilen qirghizistan chégrasi arisida atalmish térrorluqqa qarshi yene manéwir ötküzgen.

Manéwirgha ikki tereptin 700ge yéqin esker qatnashqan. Manéwirda Uyghur rayonigha qirghizistan chégrasidin yoshurun qoral yötkeshni tosush qatarliq 15 türlük mezmun boyiche meshiq élip bérilghan. Manéwir axirida da'iriler bu manéwirning shangxey hemkarliqidiki döletlerning térrorluqqa qarshi hemkarliq iradisini namayan qilghanliqini we atalmish térrorchilarni chöchütkenlikini ilgiri sürgen.

Tengritagh torining bügünki bu heqtiki xewiride déyilishiche, “Tengritagh-3-2017 dep nam bérilgen bu manéwirning aldinqi ikki qétimliqi 2006- we 2011‏-yili ötküzülgen idi. Muhajirettiki Uyghur közetküchilerning qarishiche, shangxey hemkarliq teshkilati xitay teripidin Uyghur milliy herikitige qarshi xelq'arada küch toplash meqsitide qurulghan we mushu yönilishte ilgirilewatqan bolsimu, Uyghur rayonidiki xitay hakimiyitige qarshi heriketlerning aldini alalmighanliqini, ajizlashturalmighanliqini, eksiche 2013- we 2014-yilliri zulumgha qarshi heriketlerning Uyghur rayonida téximu shiddetlen'gen we kéngeygenlikini ilgiri sürüshmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet