Chén chu'en'go we shöhret zakir sh h t diki döletlerning chégra mudapi'e wekiller ömiki bilen körüshken

Muxbirimiz erkin
2017-06-29
Share

Uyghur aptonom rayonluq partkom sékrétari chén chu'en'go 26‏-iyun ürümchide shangxey hemkarliq teshkilati (sh h t) diki döletlerning chégra mudapi'e wekiller ömiki bilen körüshüp, "3Xil küchler" ge zerbe bérishni dawamliq sh h t ning eng muhim wezipisi qilishni telep qilghan.

Mezkur wekiller ömiki shangxey hemkarliq teshkilatigha eza 6 döletning qirghizistan-xitay térrorluqqa qarshi chégra mudapi'e manéwirigha qatnishidighan bixeterlik emeldarlirini öz ichige alghan.

Xitay axbaratining xewerliride, körüshüshke Uyghur aptonom rayonining re'isi shöhret zakirning qatnashqanliqini bildürgen. Yighinda chén chu'en'go shi jinpingning yéqinda qazaqistan paytexti astanada qilghan sözini neqil keltürüp, " '3xil küchler' ge qarshi turush yenila küreshning eng muhim halqisi. Biz burunqigha oxshashla rayon bixeterliki we muqimliqini qoghdashni sh h t xizmitining aldinqi wezipisi qilishimiz kérek" dégen.

Sh h t ilgiri bezi xelq'ara kishilik hoquq teshkilatlirining tenqidige uchrighan. Ular bu teshkilatni xitayning bölgünchilik, térrorluq we diniy radikalliqqa bergen bergen müjmel tebirini qobul qilip, uning Uyghurlarni basturushigha yantayaq boldi, dep tenqidlep kelgen idi.

Ürümchidiki körüshüsh xitay bilen qirghizistanning "Térrorluq" qa qarshi chégra manéwiri bashlinishtin bir kün burun élip bérilghan.
Qirghiz we xitay chégra mudapi'e qisimlirining 27‏-iyun sh h t ning namida ötküzülgen "Tengri tam ‏‏-3" namliq mezkur manéwirigha 700 adem ishtirak qilghan.

Manéwirni shangxey hemkarliq teshkilatidiki xitay, rusiye, qirghizistan, tajikistan, özbékistan, qazaqistan qatarliq 6 döletning chégra mudapi'e, herbiy, j x, ichki ishlar sahesidiki emeldarlar teklip qilghan bolup, manéwir Uyghur rayonigha qoral-yaraq yötkeshke qarshi turushni mezmun qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet