Shangxey hemkarliq teshkilati korlada birleshme herbiy manéwir ötküzdi

Muxbirimiz méhriban
2016-11-29
Share

Xitay armiyesi torining in'glizche xewiride tilgha élinishiche, 28-noyabir küni shangxey hemkarliq teshkilatigha eza döletlerdin xitay we qirghizistan armiyisi korlada birleshme herbiy manéwir bashlighan.

Xewerde tilgha élinishiche, bir hepte dawamlishidighan manéwirda xitay eskerliri, qirghizistan eskerliri qatarliq shangxey hemkarliq teshkilatigha eza döletler eskerlirining taghliq rayonlarda we nachar hawa rayi kilimatida hemkarliship meshghulat élip bérish iqtidarini ashurush we bu arqiliq rayonda tuyuqsiz yüz bérish éhtimali bolghan térrorluq heriketlirige ortaq zerbe bérishni meqset qilghanliqi tekitlen'gen.

Musteqil uchur tori wéki pidi'adin melum bolushiche, shangxey hemkarliq teshkilatining deslepki huli 1996-yili sélin'ghan bolup, eyni chaghda xitay hökümitining teshebbusi bilen qazaqistan, qirghizistan, rusiye, tajikistan qatarliq 5 dölet öz-ara hemkarliq ornatqanliqini jakarlighan. 2001-Yili mezkur teshkilatqa özbékistanmu resmiy eza bolup qoshulghan. Teshkilat nizamnamiside mezkur 6 döletning siyasiy, iqtisadiy we herbiy birlikni meqset qilip qurulghanliqi, teshkilatqa eza döletlerning bir ‏-birining ichki ishlirigha arilashmaydighanliqi, siyasiy iqtisadiy herbiy jehetlerde öz ‏-ara yéqin hemkarliq munasiwiti ornatqanliqi jakarlan'ghan. 2015-Yili 10-iyul küni hindistan we pakistanningmu shangxey hemkarliq teshkilatigha resmiy eza qilip qobul qilin'ghanliqi élan qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet