Shi jinping sé'atilda qarshiliq namayishlirigha duch keldi

Amérikida resmiy dölet ziyaritini bashlashtin burun 22-séntebir sé'atil shehirige chüshken xitay re'isi shi jinping zor qarshiliq namayishlirigha duch keldi.

Sé'atildiki qarshiliq namayishliri 22-we 23 séntebir oxshash shekilde dawam qildi. Xitaydiki kishilik hoquq depsendichilikige qarshi namayish qilip chiqqan 100 artuq kishi arisida tibet we falun'gongchilar köp salmaqni igilidi.

Namayishchilar xitayni mehbus we falun'gong muritlirining ichki organlirini mejburiy köchürüshni derhal toxtitishqa chaqirdi.

Tibet namayishchilar xitayning tibettiki qattiq qol siyasetlirini eyiblidi we tibetke hörlük telep qildi.

Xitay prézidénti 24-séntebir amérika paytexti washin'gton alahide rayonigha kélidu. Melum bolushiche, bu küni Uyghur, xitay we tibet teshkilatliri washin'gtonda chong kölemlik namayish uyushturup, xitayning basturush siyasetlirige qarshiliq bildüridiken.